تورکیه روسیایا باش ساغلیغی وئریب

تورکیه 16 نفرین اؤلدوگو، 6 نفرین یارالاندیغی اوچاق قضاسی ایله علاقه‌دار روسیایا باش ساغلیغی وئریب.

خاریجی ایشلر ناظیرلیگیندن وئریلن آچیقلامادا، "روسیا فدراسیونونون تاتاریستان جمهوریتینده قضایا اوغرایان اوچاقدا اولان 16 نفرین حیاتینی ایتیردیگی و ان آزی 6 نفرین یارالاندیغی کدرله اؤیرنیلدی" ایفاده‌سی یئر آلیب.

آچیقلامادا دئییلیب: "بو فاجعه‌لی قضادا حیاتینی ایتیرن‌لرین عائله‌لرینه و روسیا فدراسیونو حکومتینه باش ساغلیغی وئریریک، یارا‌لی‌لارین تئزلیکله ساغالماسینی دیلییریک".