مصطفی شنتوپ اولوسلار آراسی توپلومو اینسانی مرکزده ساخلایان یاناشمالارا چاغیریب
تورکیه بؤیوک میللت مجلیسنین صدری مصطفی شنتوپ ایتالیانین پایتاختی روما-دا کئچیریلن P20 ذیروهسینین ایکینجی ایجلاسیندا چیخیش ائدیب.
تورکیه بؤیوک میللت مجلیسینین صدری مصطفی شنتوپ ایتالیانین پایتاختی روما-دا کئچیریلن P20 ذیروهسینده "سوسیال و اطراف موحیطین داواملیلیغی باخیمیندان اقتصادی آرتیمین جانلاندیریلماسی" آدلی ایکینجی ایجلاسدا چیخیش ائدیب.
شنتوپ "کووید-19" اپیدمیسینین منفی تأثیرلرینین جمعیتلرده کؤکلو دییشیکلیکلره سبب اولدوغونو موشاهیده ائتدیکلرینی وورغولایاراق دئییب:
"تأسف کی، اپیدمینین سوسیال و اطراف موحیطه تأثیری بو منفیلیکلرین باشیندا یئر آلیر. "کووید-19" اپیدمیسینین آکتوال پروبلئملری داها دا درینلشدیرمهسی بوتون اینسانلیغین سرعتلی و قرارلی آددیملار آتماسینی واجیب حالا گتیریر".
شنتوپ دونیا اقتصادیاتیندا جانلانما تندنسیاسینین باشلادیغینی، آنجاق اپیدمی اولی دؤوره قاییدیلا بیلمهدیگینه ایشاره ائدهرک،"مؤوجود وضعیتین ساهمانا سالینماسینین کووردیناسیونو شکیلده و گلهجکده بنزر شوکلارا حاضیرلاشماغین نه قدر واجیب اولدوغونو دا اؤیرندیک" دئییب.
شنتوپ اپیدمی پروسه سیندن سونرا دونیادا سیاسی و اقتصادی علاقهلرین یئنیدن قورولاجاغینین آچیق شکیلده گؤروله جگینه ده دقت چکیب و اینسانی مرکزده ساخلامایان هئچ بیر یاناشمانین اوغورلو اولا بیلمهیهجگینی وورغولاییب.