جمهور باشقانی اردوغان: "الکتریک انرژی‌سی ایله ایشله‌ین میللی لوکوموتیوین اوره تیمینه باشلایاجاغیق"

"گله‌جک ایل الکتریک انرژی‌سی ایله ایشله‌ین میللی لوکوموتیوین اوره تیمینه باشلایاجاغیق".

بونو جمهور باشقانی رجب طیب اردوغان ایستانبول آتاتورک هاوا لیمانینداکی 12-جی نقلیات و خبرلشمه شوراسیندا ائتدیگی چیخیشدا دئییب.

تورکیه اولا‌راق سون 19 ایلده نقلیات و خبرلشمه‌یه 1 تریلیون لیره سرمایه قویدوق‌لارینی وورغولایان جمهور باشقانی اردوغان دمیر یولو یاتیریم‌لاری‌نین دا اوستونلوک وئردیک‌لری بیر ساحه اولدوغونو ایفاده ائدیب.

اردوغان "12 مین 803 کیلومترلیک دمیر یولو شبکه‌میزی تامامیله یئنی‌له دیک. مؤوجود خط‌لرده سیقنالیزاسیون  ایشلرینده اهمیت‌لی ایرلیلییش الده ائتمیشیک. اؤلکه‌میزده ایلک دفعه اولا‌راق سرعت‌لی قاطار خط‌لری چکه‌رک ایستیفاده‌یه وئردیک. 3500 کیلومتر اوزونلوغوندا یئنی دمیر یولو خط‌لریمیزین اینشاسی هله ده داوام ائدیر" دئییب.

الکتریک انرژی‌سی ایله ایشله‌ین میللی قاطار دستکنی ده حاضیرلادیق‌لارینی ایفاده ائدن جمهور باشقانی اردوغان "گلن ایلدن الکتریک انرژی‌سی ایله ایشله‌ین میللی لوکوموتیویمیزین اوره تیمینه باشلایاجاغیق. مترودا، شهراطرافی اراضی‌لرده و تراموای‌لاردا اوره ته‌بیله‌جک سویه سیندییک" دئیه وورغولاییب.

دؤولت باشچی‌سی اؤلکه‌ده‌کی هاوا لیمان‌لاری‌نین سایینی 26-دان 56-یا چیخاردیق‌لارینی قئید ائده‌رک "تخمینن 3 ایلدیر خیدمتده اولان ایستانبول هاوا لیمانیمیز، دونیانین ان یاخشی هاوا لیمان‌لاری آراسیندا ایکینجی، آوروپانین ان ایشلک هاوا لیمان‌لاری سیاهی‌سیندا بیرینجی یئرده‌دیر" دئییب.

اؤلکه‌نین خاریجی تیجارتینده دنیز نقلیاتی‌نین پایینی 4 دفعه آرتیردیق‌لارینی وورغولایان جمهور باشقانی اردوغان گمی قاییرما سئکتوروندا و اوره تیمینده ده اؤلکه اولا‌راق اهمیت‌لی بیر یئره گلدیک‌لری‌نین وورغولاییب.

خبرلشمه ساحه‌سینده ده نهنگ آددیم‌لار آتدیق‌لارینی قئید ائدن جمهور باشقانی اردوغان "گئنیش باند اینترنت‌دن فیبر خط‌لرینه قدر بوتون ایله تیشیم ساحه‌لرینده قوروم‌لاریمیزا و اینسان‌لاریمیزا تقدیم ائتدیگیمیز خیدمت ایستاندارتینی یوکسلدیریک. گله‌جک تکنولوژی لرینده، خصوصاً ده 5G -ده گلجیین تکنولوژی لرینده میللی‌لیک و یئرلی اولما نیسبتینی آرتیرماغا چالیشیریق. زامانلا یاناجاغا قدر هر جهت‌دن اوستونلوک و قناعت تامین ائدن عقل‌لی نقلیات سیستم‌لرینی تطبیق ائتمک عزمیندییک" دئییب.