جمهور باشقانی اردوغان‌دان اس-400 آچیقلاماسی

جمهور باشقانی رجب طیب اردوغان "امریکانین نیویورک تایمز قزئتینه موصاحیبه وئریب.

"تورکیه‌نین روسیا‌دان اس-400 هاوا هوجومون‌دان ساوونما سیستم‌لری آلماسی‌نین ناتو اتفاقینا ضرری یوخ‌دور".

بونو جمهور باشقانی رجب طیب اردوغان "امریکان نیویورک تایمز"قزئتینه وئردیگی موصاحیبه‌ده دئییب.

قزئت بمت باش آسسامبلیاسی‌نین 76-جی ایجلاسی چرچیوه‌سینده امریکانین نیویورک شهرینده سفرده اولان جمهور باشقانی اردوغانلا آپاردیغی موصاحیبه‌نین اس-400 هاوا هوجومون‌دان ساوونما سیستم‌لریله علاقه‌دار حیسه‌سینی درج ائدیب.

اردوغانین دونن (29 سپتامبر) روسیا پرزیدنتی ولادیمیر پوتینله ایکی طرف‌لی گؤروشو ایله باغلی نشر اولونان خبرده یئر آلان حیسه‌یه گؤره، اردوغانین اینکیشاف ائتمیش روسیا ساوونما سیستمینی آلا‌راق باتی‌نین اساس حربی اتفاقی اولان ناتو-یا ضربه ووردوغونا دایر تنقیدلری رد ائتدیگی بیلدیریلیب.

خبره گؤره، جمهور باشقانی اردوغان "نیویورک تایمز" قزئتینه آچیقلاماسیندا هم ناتو باش کاتیبی ینس استولتنبرگ، هم ده او واختکی امریکا پرزیدنتی دونالد ترامپین تورکیه-‌نین سلاح تداروکچوسو سئچمک حقوقونو تصدیق ائتدیگینی خاطیرلادا‌راق، "بیز اؤز سلاح‌لاریمیزی آلیریق" دئییب.

اردوغان آیریجا، "امریکالی لار پاتریوت راکت‌دن ساوونما سیستمینی تورکیه-‌یه ساتسایدی‌لار، اس-400-لری آلماق مجبوریتینده قالمازدیق" دئیه وورغولاییب.

تورکیه-‌نین اس-400-لری آلماسی‌نین امریکا ایله یاراتدیغی موناقیشه‌یه دییب-دیمه‌دیگی سوالینا اردوغان بئله جاواب وئریب: "دوشونورم کی، بونا دیردی. ساوونمامیزی ایسته‌دیگیمیز شکیلده گوجلندیره بیلریک".

جمهور باشقانی اردوغان آیریجا تورکیه- امریکا علاقه‌لری‌نین اساس اولا‌راق اهمیتینی قورودوغونا ایشار ائده‌رک، "تورکیه-‌نین امریکا ایله اوزون ایللره اساس‌لانان علاقه‌لری وار. بونو قوروماق و گوجلن‌دیرمک لازیم‌دیر" دئییب.