تورکیه-مصر گؤروشمهلرینین ایکینجی دؤورو آنکارادا گئچیریلدی
"طرفلر، اله آلینان قونولاردا ایرلیلهمه تامین ائدیلمهسینه و ایلیشکیلرین نورماللاشدیریلماسی ایله علاوه آددیملار آتیلماسینا باغلی آرزولارینی تائید ائتمیش، مشاورهلرین داوام ائتدیریلمهسینده راضی قالمیشلار"
تورکیه-مصر استکشافی مشاورهلرینین ایکینجی دؤورو، خاریجی ایشلر باخان کؤمکچیلری باشقانلیغینداکی هئیتلر آراسیندا باشکند آنکارادا تاماملاندی.
خاریجی ایشلر باخانلیغیندان وئریلن یازیلی آچیقلامادا، تورکیه-مصر مشاورهلرینین ایکینجی دؤورونون، خاریجی ایشلر باخان کؤمکچیسی ائلچی سدات اؤنال و مصر خاریجی ایشلر باخان کؤمکچیسی ائلچی حمدی لوزا باشقانلیغینداکی هئیتلر آراسیندا ۷-۸ سپتامبردا آنکارادا تشکیل ائدیلدیگی ایفاده ائدیلدی.
گؤروشمهلرده، ایکیلی قونولارین یانیندا لیبی، سوریه، عراق، فلیسطین و دوغو آغدنیزدهکی گلیشمهلر داخیل بعضی بؤلگهسل باشلیقلارین دا اله آلیندیغی بیلدیریلن آچیقلامادا، بونلار قید ائدیلدی:
"طرفلر، اله آلینان قونولاردا ایرلیلهمه تامین ائدیلمهسینه و ایلیشکیلرین نورماللاشدیریلماسی ایله علاوه آددیملار آتیلماسینا باغلی آرزولارینی تائید ائتمیش، مشاورهلرین داوام ائتدیریلمهسینده راضی قالمیشلار".
تورکیه و مصر هئیتلرینین ایکی گون داوام ائدن ایلک دؤور گؤروشمهلری، ۶ میده قاهیرهده تاماملانمیشدی.
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب