تورکیه گینهدهکی چئوریلیشی قینادی
"تورکیه بو چتین و حساس دؤنمده دوست و قارداش گینهنین یانیندا اولاجاق"
تورکیه گینهدهکی چئوریلیشی و پرزیدنت آلفا کندهنین گؤزآلتیندا توتولماسینی قینادی.
دیش ایشلری باخانلیغیندان وئریلن آچیقلامادا،
"گینهدهکی چئوریلیش گیریشیمینی و پرزیدنت آلفا کندهنین گؤزآلتیندا توتولماسینی قیناییریق و درین راحاتسیزلیقلا قارشیلاییریق" ایفادهلری یئر آلدی.
"تورکیه سئچیلمیش حکومتلری یاسادیشی یوللارلا دییشدیریلمهسینه قارشی گیریشیملرین قارشیسیندادیر" دگرلندیریلمهسینه یئر وئریلن آچیقلامادا، دوست و قارداش گینهده آنایاسال قورولوشونون تئز بیر زاماندا یئنیدن تاسیس ائدیلمهسی، پرزیدنت کندهنین درحال سربست بوراخیلماسی اوچون گوجلو گؤزلنتیلر اولدوغو وورغولاندی.
آچیقلامادا،
"تورکیه بو چتین و حساس دؤنمده دوست و قارداش گینهنین یانیندا اولاجاق" دئییلدی.
گینهنین پباشکندی کوناکریده جمهورباشقانلیغی سارایی و اداری بینالارین یئرلشدیگی کالووم بؤلگهسیندن سحر ساعتلاریندا سلاح سسلری ائشیدیلمیشدی.
حادثهدن بیر نئچه ساعات سونرا، اؤزل قوهلر بیرلیگینین باشینداکی آلبای، مامادی دومبوویانین، یؤنتیمه ال قویدوقلارینا باغلی آچیقلامالارینین یئر آلدیغی بیر ویدئو سوسیال مئدیادا یاییلمیش و عینی ساعاتلاردا پرزیدنت کندهنین ده عسگرلر طرفیندن گؤزآلتینا آلینما گؤرونتولری پایلاشیلمیشدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی