چاووشاوغلو: افغانیستانلیلارین اؤلکهمیزده بللی بیر مدت قالماسی ممکن دئییل
"هر هانسی بیر اؤلکهنین تخلیه ائدهجگی افغانیستانلیلارین اؤلکهمیزده بللی بیر مدت قالماسی ممکن دئییل، بئله بیر تکلیف گلسه ده قبول ائتمهیهجییمیزی باشیندان بری سؤیلهییریک"
خاریجی ایشلر باخانی مؤولود چاووشاوغلو،
"هر هانسی بیر اؤلکهنین تخلیه ائدهجگی افغانیستانلیلارین اؤلکهمیزده بللی بیر مدت قالماسی ممکن دئییل، بئله بیر تکلیف گلسه ده قبول ائتمهیهجییمیزی باشیندان بری سؤیلهییریک" دئدی.
مؤولود چاووشاوغلو، تورکیهده اولان هلند خاریجی ایشلر باخانی سیگرید کاگ ایله باشکند آنکارادا گؤروشدو.
گؤروشمهنین آردیندان چاووشاوغلو و کاگ ایله اورتاق مطبوعات کنفرانسی تشکیل ائتدی.
دانیشماسیندا افغانیستانداکی کابل هاوالیمانینین ایشلدیلمهسی قونوسونا توخونان چاووشاوغلو،
"آتیلاجاق آددیملارین بیرلیکده تنظیم ائدیلمهسی لازیمدیر. بو تک باشینا تورکیهنین یا دا قطرین بوینونا گؤتورجگی بیر مسئله دئییل. چؤزوم ایکی مرحلهلی اولا بیلر، بیری عسگری اوچوشلار اوچون. پیستلردهکی پروبلئمین آرادان قالدیریلماسییلا عسگری اوچاقلارین تخلیهسی اوچون ایستیفادهیه آچیق اولا بیلر. بئلهلیکله هاواآلانینداکی وضعیت تست ائدیله بیلر. مسئولیتی کیملر بوینونا گؤتورهجک؟ بو قونوداکی شرطلر دییشدی. طالباندان و بعضی اؤلکهلردن ده بیزیمله امکداشلیقلا باغلی طلبلر وار. بونلاری دگرلندیریریک" دئدی.
هاواآلانیندا هر کسین امین اولاجاغی شکیلده گوونلیگین تاسیس ائدیلمهسی لازیم اولدوغونو وورغولایان چاووشاوغلو،
"بونو طالبانا چاتدیردیق. اؤزللیکیله هاواآلانینین ایچینده گوونلیگین تاسیس ائدیلمهسی لازیمدیر. بو قونودا اوزمان شیرکتلر ده وار. چامادانلارین کنترلو، اینسانلارین جیهازدان گئچیریلمهسی کیمی ایشلرین گؤرولمهسی قونوسوندا هر کسین گووهنه بیلهجگی شکیلده بورادا تدبیرلرین آلینماسی لازیمدیر" شکلینده دانیشدی.
تورکیه ایله آوروپا بیرلیگی آراسینداکی (۲۰۱۶) کؤچ آنلاشماسی قونوسوندا، 'بروکسل ایله آنکارا آراسیندا گؤروشمهلر وار. ۳ میلیارد یورولوق یئنی بیر تکلیف وار. تورکیه بو تکلیفله ماراقلانیرمی؟' سوالینا ایسه چاووشاوغلو،
"افغانیستانلیلار قونوسوندا، بیز پول وئریریک افغانیستانلیلاری توتون، گلمهسین کیمی بیر وضعیت اولسا، بو امکداشلیق اولماز. سوریهلیلرین گوونلی بیر شکیلده اؤلکهلرینه گؤندریلمهسی داخیل بیر چوخ قونونو احاطه ائدجک شکیلده آنلاشمانی گونجللهمهمیز لازیم" دئدی.
چاووشاوغلو،
"اجتماعی و سیاسی بیر پروبلئم نتیجهده، ساده فرموللارلا بو ایشین عهدهسیندن گلیریک آنلاییشیندان آوروپابیرلیگینین واز گئچمهسی لازیم" ایفادهلرینی ایستیفاده ائتدی.