بؤیوک تورک ملتینین ظفر بایرامی قوتلو اولسون!
ظفر بایرامی، ۳۰ آگوست ۱۹۲۲ده دوملوپیناردا آتاتورکون باشقوموتانلیغیندا ظفرله نتیجهلنهن بؤیوک تعرضو آنما بایرامیدیر
بؤیوک ظفر ۹۹ یاشیندا.
۳۰ آگوست ۱۹۲۲ده "یا ایستیقلال یا اؤلوم" رمزی ایله قورتولوش ساواشی پرچینلندی.
بؤیوک اؤندر مصطفی کمال آتاتورکون اؤندرلیگینده قازانیلان بؤیوک ظفر، تاریخه قیزیل حرفلرله یازیلدی.
ظفر بایرامینین ۹۹.جو ایل دؤنومو یورددا مراسیملرله قوتلانیر.
قوتلامالارین ایلک آدرسی هر زامانکی کیمی (تورکیه جومهوریتینین قوروجوسو آتاتورکون مزارینین اولدوغو) آنیدقبیر اولدو.
جمهورباشقانی رجب طیب اردوغان، ۳۰ آگوست ظفر بایرامی سببیندن برابریندهکی هئیتله بیرلیکده آنیدقبری زیارت ائتدی.
اردوغانین آتاتورکون مزارینا چلنگ بوراخماسینین آردیندان سایغی دوروشو گرچکلشدی، ایستیقلال مارشی اوخوندو.
اردوغان باشقانلیغینداکی هئیت، میثاق ملی بورجونا گئچدی و آنیدقبیر اؤزل دفترینی ایمضالادی.
اردوغان، دفتره بونلاری یازدی:
"عزیز آتاتورک، مستقیللیگیمیزه گئدن یولون قیزیل حالقالاریندان بؤیوک ظفرین ۹۹.جو ایل دؤنومونده بیر دفعه داها حضورونوزداییق. بو تاریخی گونده ذات عالینیزی و عزیز شهیدلریمیزی رحمتله یاد ائدیریک. تورکیهنی بیزلره ترسیم ائتدیگینیز هدفلر ایستیقامتینده پارلاق بیر گلهجهیه داشیییریق. ساوونما صنایعینده آتدیغیمیز آددیملارلا ملتیمیزین گؤزببهگی اولان تورک سلاحلی گوجلرینین داشیندیریجیلیغینی هر ساحهده داها دا آرتیریریق. دموکراسیده، عدالتده، حاق و آزادلیقلاردا حیاتا گئچیردییمیز اصلاحاتلارلا جمهورلا جمهوریتیمیز آراسینداکی باغی تحکیم ائدیریک. امانتینیز اولان تورکیه جمهوریتی دؤولتی امین اللردهدیر. روحون شاد اولسون".
ایستانبولدا، ۳۰ آگوست ظفر بایرامینین ۹۹.جو ایل دؤنومو قوتلامالاری چرچیوهسینده، تقسیم میدانینداکی جمهوریت آنیدی قارشیسیندا مراسیم تشکیل ائدیلدی.
آنیدا سیراسییلا ایستانبول والیلیگی، ۱.جی اوردو کوموتانلیغی و ایستانبول بؤیوکشهر بلدیهسینین چلنگلری بوراخیلدی.