تورکیه قاپا‌لی ماراش-ین آچیلماسینا دایر آچیقلاما‌لارا رئاکسیا وئردی
تورکیه بیرلشمیش میللت‌لر تشکیلاتی‌نین (بمت) و موختلیف اؤلکه‌لرین ماراش ایله باغلی آتیلان آددیم‌لار ایله علاقه‌دار وئردیگی آچیقلاما‌لارینا رئاکسیا گؤستردی.
تورکیه بیرلشمیش میللت‌لر تشکیلاتی‌نین (بمت) و موختلیف اؤلکه‌لرین ماراش ایله باغلی آتیلان آددیم‌لار ایله علاقه‌دار وئردیگی آچیقلاما‌لارینا رئاکسیا گؤستردی.
خاریجی ایشلر ناظیرلیگی قوزیی قیبریس تورک جمهوریتی پرزیدنتی ارسین تاتار طرفیندن 20 جولای دا آچیق‌لانان ماراشین آچیلماسی‌نین ایکینجی مرحله‌سی باره‌ده بمت تهلوکه‌سیزلیک شوراسی طرفیندن یاییلان "صدرلیک آچیقلاماسی" ایله "موختلیف اؤلکه‌لرین وئردیک‌لری آچیقلاما‌لارا"، "آدا‌داکی حقیقت‌لرله اوست-اوسته دوشمه‌ین و اساس‌سیز ادعا‌لارا اساس‌لانان آچیقلاما‌لاری تامامیله رد ائدیریک و قوزیی قیبریس تورک جمهوریتی-نین وئردیگی جاواب‌لارلا تامامیله همفیکیریک" ایفاده‌سی ایله رئاکسیا وئرمیش‌دیر.
"بو آچیقلاما‌لار ماراشین قوزیی قیبریس تورک جمهوریتی اراضی‌سی اولمادیغی، قوزیی قیبریس تورک جمهوریتی-نین ماراش-داکی ملک‌لری اله کئچیرجگی و ملک صاحیب‌لری‌نین ملکیت حقوق‌لارینا قارشی بورایا ساکین‌لر گتیرجگی کیمی اساس‌سیز ادعا‌لارا و روم-یونان قارا تبلیغاتینا اساس‌لانیر" ایفاده‌سیندن ایستیفاده ائدیلن آچیقلامادا، ماراش-ین قوزیی قیبریس تورک جمهوریتی اراضی‌سی اولدوغو و قوزیی قیبریس تورک جمهوریتی صلاحیت‌لی‌لری‌نین خوش مرام‌لی یاناشماسی چرچیوه‌سینده واختیندا مسکونلاشمایا آچیلمادیغی و حربی بؤلگه اعلان ائدیلدیگی خاطیرلادیلیب.
آچیقلامادا قوزیی قیبریس تورک جمهوریتی حکومتی‌نین 47 ایلدیر باغلانمیش و ایندی اطراف موحیط اوچون تهلوکه یاراتماغا باشلایان ماراش-ین ایکی اساس کوچه‌سینی و چیمرلیگینی آچدیغی و نهایت ماراش-ین 3،5 فایزینه برابر اولان پیلوت بؤلگه‌نین حربی بؤلگه ایستاتوسونو قالدیردیغی وورغولانیب.
" قوزیی قیبریس تورک جمهوریتی یئتکیلیلری طرفیندن ماراش تشببوسو چرچیوه‌سینده قبول ائدیلن بوتون قرارلارین ملکیت حقوق‌لارینا حؤرمت چرچیوه‌سینده و اولوسلار آراسی حقوقا تام اویغون اولدوغو" وورغولایان آچیقلامادا "ادعانین عکسینه اولا‌راق، بمت تهلوکه‌سیزلیک شوراسی‌نین قرارلاری‌نین پوزولماسی و بمت تهلوکه‌سیزلیک شوراسی‌نین قرارلاری‌نین ملکیت و اگمنلیک حقوق‌لاری‌نین اوزرینده اولمادیغی" قئید ائدیلیب.
آچیقلامادا "جمهور باشقانی رجب طیب اردوغانین دیله گتیردیگی کیمی بو آددیم‌لارلا ماراش-دا یئنی شیکایت‌لر میدانا گلمه‌یه‌جگی و مؤوجود شیکایت‌لرین هر کسین خیرینه آرا‌دان قالدیریلاجاغی" بیلدیریلیب.
"دیگر طرف‌دن، بمت تهلوکه‌سیزلیک شوراسی تأسف کی، قیبریس مسئله‌سینده ده ساحه‌دکی حقیقت‌لری گؤرمه‌مکده اصرارلی‌دیر. تورک طرفی‌نین خوشمرام‌لی‌لیغینا باخمایا‌راق، اون ایللردیر داوام ائدن سعی‌لر، قیبریس روم رهبرلیگی‌نین اینام‌سیز موناسیبتی سببیله ایکی بؤلگه‌لی، ایکی توپلوملو بیر فدرال حل یولو تاپماسینا مانع اولموش‌دور" دئیه آچیقلامادا وورغولانیب.
بیاناتدا قیبریس مسئله‌سی‌نین عدالت‌لی، قالیجی و داوام‌لی حلی اوچون یئنی دانیشیق‌لارین باشلانماسی‌نین، یالنیز قیبریس تورک خالقی‌نین برابر اگمنلیگی و برابر اولوسلار آراسی ایستاتوسونون قئیده آلینماسی ایله مومکون اولدوغو ایفاده ائدیلیب.
آچیقلامادا "بو آنلاییشلا بمت تهلوکه‌سیزلیک شوراسینی، روم-یونان ایکی‌لی‌سی‌نین یالنیش تبلیغاتیندان قورتولماغا، آیریجا قوزیی قیبریس تورک جمهوریتی-نین ماراش ایله علاقه‌دار قانونا اویغون اولا‌راق آتدیغی آددیم‌لارینی و ژنوده تقدیم ائتدیگی یاپیجی و رئال تکلیفی دستکلمه‌یه دعوت ائدیریک" دئییلیب.
آچیقلامادا داواملا بیلدیریلیب کی، قیبریس روم طرفینی قانون‌سوز اولا‌راق آوروپا بیرلیگینه قبول ائدن و حتی بو قرارین سیاسی اولدوغونو اوتانماز شکیلده سؤیله‌ین آوروپا بیرلیگی-نین و او دؤورده قانون‌سوزلوغو دستکله‌ین بعضی آوروپا اؤلکه‌لری‌نین ایندی قانون‌لاردان دانیشما‌لاری‌نین هئچ بیر دیری یوخ‌دور. بو گروهون بیزه بیر قانون درسی کئچمه‌یه چالیشماسی ایسه غریبه‌دیر.
بو قروپو و اولوسلار آراسی توپلومو آدا‌داکی حقیقت‌لرله بیر داها اوزلشمه‌یه، قیبریس تورک خالقینا ائتدیک‌لری حاقسیزلیغا سون قویماغا، قیبریس تورک خالقی‌نین ایراده‌سینه و 1960-جی ایلده صاحیب اولدوق‌لاری اگمن برابرلیگه و برابر ایستاتوسا حؤرمت گؤسترمه‌یه چاغیریریق.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
