15 جولای دموکراسی و میللی بیرلیک گونودور
15 جولای 2016-جی ایل تاریخینده تورکیه خاین بیر چئوریلیش جهدی ایله قارشی-قارشییا قالدی.
15 جولای دموکراسی و میللی بیرلیک گونودور
بو گون 15 جولای 2021-جی ایلدیر. 5 ایل اول بو گون - 15 جولای 2016-جی ایل تاریخینده تورکیه خاین بیر چئوریلیش جهدی ایله قارشی-قارشییا قالدی. فتو ترور تشکیلاتی تورکیه سلاحلی قوه‌لرینه سیزدیردیغی آدام‌لاری ایستیفاده ائده‌رک دؤولته و دؤولتین تمثیل اولوندوغو دیرلره قارشی خاین بیر هوجوم جهدی ائتدی. جمهور باشقانلیغی، تورکیه بؤیوک میللت مجلیسی بینا‌لاری بومبالاندی. ایچری‌سینده تورکییه رادیو تلویزیون قورومو – ت.ر.ت ده اولماقلا بیر چوخ ایداره‌لر قیامچی‌لار طرفیندن اله کئچیریلمه‌یه چالیشیلدی.
تورکیه آنکارا و ایستانبول سما‌لاریندا دؤیوش طیارلریله، یول‌لاردا تانک‌لارلا تهدید ائدیلدی. آنجاق خالق بو وضعیته لاقئید قالمادی. مین‌لرله وطنداش اؤلکه باشچی‌سی‌نین دا چاغیریشییلا چئوریلیش جهدینه قارشی چیخماق اوچون شهر میدان‌لارینا، کوچه‌لره تؤکولدو، اورتایا جانینی قویا‌راق تانک‌لارین قاباغینا کئچدی، هلی کوپترلردن آچیلان آتیش‌لارا قارشی دایاندی، بیرلیکده نادیر راست‌لانان بیر مقاومت گؤستره‌رک وطنینه، دؤولتینه، دموکرسی‌یه صاحیب چیخدی.
خالقین متانتی سایه‌سینده تورکیه دؤولتی چئوریلیش جهدینی اوغورسوزلوغا دوچار ائتدی. اما بو اوغوردا 251 شهید و یوزلرله اینسان غازی اولدو. 15 جولای دموکراسی ظفری‌نین سیمووللاشمیش گونونه چئوریلدی.
شهید و غازی لریمیزی شکورانلا، میننتله و حؤرمتله یاد ائدیریک.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
