اردوغان: هدفیمیز بو پروژه‌‌نی ۶ ایل ایچینده خیدمته سونماقدیر
"دونیانین ان بؤیوک شهرلرین‌دن بیری اولان ایستانبولون گله‌جگینی قورتاراجاق بیر اثر اولاراق گؤروروک"
جمهورباشقانی رجب طیب اردوغان، هدفلرینین کانال ایستانبول پروژه‌سینی ۶ ایل ایچینده تاماملایاراق خیدمته سونماق اولدوغونو ایفاده ائتدی.
جمهورباشقانی و عدالت و قالخینما پارتیسی باشقانی اردوغان، پارتیسینین تورکیه بؤیوک ملت مجلسی قروپ توپلانتیسین‌دا دانیشدی.
دانیشماسین‌دا ۱۹ ایلدیر اؤلکه‌نی اثر و خیدمت سیاستی ایله ایداره ائتدیکلرینی وورغولایان اردوغان، ایستانبولا قازاندیردیقلاری اوچونجو هاوالیمانینی، اؤلکه‌ده تیکدیکلری اتویوللار، کؤرپولر، شهر خسته‌خانالارینی بونا اؤرنک گؤستردی.
صادراتی هر آی یئنی رکوردلارلا ایر‌لی داشیدیقلارینی، اوره‌تیمی آرتیردیقلارینی، صنایعی گلیشدیردیکلرینی، ساوونما صنایعین‌ده اؤلکه‌نی مارکا حالینا گتیردیکلرینی ایفاده ائد‌ن اردوغان، تورکیه‌نین کانال ایستانبول پروژه‌سینه ده عینی شکیل‌ده قوووشاجاغینی سؤیله‌دی.
اردوغان،
"دونیانین ان بؤیوک شهرلرین‌دن بیری اولان ایستانبولون بوغاز ترافیکی و زلز‌له‌یه حاضرلیق کیمی پروبلئملرینین حلینه جدی قاتقی وئره‌جک بو پروژه‌‌نی، شهرین گله‌جگینی قورتاراجاق بیر اثر اولاراق گؤروروک. بیز بورادا یالنیز بیر کانال تیکمکله قالمیریق، عینی زامان‌دا ایستانبولا، اؤلکه‌میزه، لیمانییلا صادراتیمیزی، یاشام آلانلاری ایله انسانلاریمیزی راحاتلاداجاق یئنی بیر نفس بوروسو آچیریق" دئدی.
"هدفیمیز بو پروژه‌‌نی ۶ ایل ایچینده تاماملایاراق خیدمته سونماقدیر" شکلین‌ده دانیشان اردوغان،
"تورکیه‌یه ۱۹ ایلدیر قازاندیردیغیمیز اثر و خیدمتلری بو دونیا سویه‌سین‌ده پروژه ایله تاجلاندیراجاغیمیزا اینانیریق" ایفاده‌لرینی ایشلتدی.
