حولوصی آکار: "امریکا تکنیکی هئیتی ناظیرلیگیمیزه گلیب"
"امریکا تکنیکی هئیتی بو گون ناظیرلیگیمیزه گلدی. دانیشیقلاریمیز باشلادی و داوام ائدیر".
"امریکا تکنیکی هئیتی بو گون ناظیرلیگیمیزه گلدی. دانیشیقلاریمیز باشلادی و داوام ائدیر".
بونو میللی ساوونما ناظیری حولوصی آکار پایتاخت آنکارادا حساس ایداره اولونان راکت دستی-82-نین تحویل مراسیمینده چیخیشی زامانی دئییب.
ناظیر آکار افغانیستان-داکی وضعیته توخوناراق بیلدیریب کی، افغانیستان "آسیانین اوریی" و کریتیک اهمیته مالیک بیر اؤلکهدیر. تورکیه ایله افغانیستان آراسیندا کؤکلو تاریخی و مدنی علاقهلر وار. تورکیه-افغانیستان دیپلوماتیک موناسیبتلری 100 ایللیک تاریخه صاحیبدیر. 1921 تورک-افغان بیرلیگی موقاویلهسینده دئییلدیگی کیمی، ایکی اؤلکهنین تالعی و خوشبختلیگی بیر-بیرینه عاییددیر. بونا گؤره ده تورکیه همیشه افغان قارداشلاریمیزین یانیندا اولموشدور.
تورکیه-نین بیرلشمیش میللتلر تشکیلاتینین قطعنامهلری چرچیوهسینده 2002-جی ایلده ایلک وظیفهسینین ایجراسینا باشلادیغی آندان بری اولوسلار آراسی تهلوکهسیزلییه یاردیم قوهلرینه و 2015-جی ایلدن بو یانا دا ناتو-نون قرارلی دستک میسیونونا تحفه وئرمهیه داوام ائتدیگینی دقته چاتدیران آکار تورکیه-نین بو ساحهلرده قازاندیغی اوغورلارین چوخ یوکسک قیمتلندیریلدیگینی و هر کس طرفیندن حؤرمتله ایزلنیلدیگینی سؤیلهییب.
آکار تورکیه سلاحلی قوهلرینین حاضیردا کابل تعلیم دستک مصلحت قوموتانلیغی وظیفهسینی ده یئرینه یئتیردیگینی ایفاده ائدهرک،
"بو گونه قدر قازانیلان قازانجلارین قورونماسی و 6 ایلدیر حیاتا کئچیردیگیمیز حمید کررزای اولوسلار آراسی هاوا لیمانینین ایشلتمهسی مسئولیتینین، لازیمی شرطلر یئرینه یئتیریلدیگی تقدیرده طرفیمیزدن داوام ائتدیریلهجگی گوندمدهدیر. بونونلا باغلی دانیشیقلار داوام ائدیر. بو مسئلهنی دیگر اؤلکهلرله بیرلیکده نئجه ائده بیلهجگیمیز اوزرینده ایشلییریک. بو چرچیوهده امریکا تکنیکی هئیتی بو گون ناظیرلیگیمیزه گلدی. گؤروشلریمیز باشلادی و داوام ائدیر. حاضیردا هئچ بیر قرار وئریلمهییب. اؤلکهمیزین و افغانیستانین ماراقلاری اوچون اویغون نتیجهلر الده ائتمک ایستییریک. مقصدیمیز افغان قارداشلاریمیزین تهلوکهسیزلیک، باریش و ریفاهی اوچون دستکیمیزی داوام ائتدیرمکدیر" دئییب.