دونیادا ان چوخ سیغینماچی تورکیه‌ده‌دیر

تخمیناً ۳ میلیون ۷۰۰ مین سیغینماچینی قوناق ائدن تورکیه، سون ۷ ایلدیر دونیادا ان چوخ سیغینماچییا صاحب اؤلکه‌دیر

1660758
دونیادا ان چوخ سیغینماچی تورکیه‌ده‌دیر

تورکیه، دونیادا ان چوخ سیغینماچییا ائو صاحب‌لیگی ائد‌ن اؤلکه‌دیر.

بیرلشمیش ملتلر سیغینماچیلار یوکسک کمیسرلیگینین بو ایلکی راپورونا گؤره، دونیادا شدت و ظلم سببیله یئرین‌دن ائدیله‌ن شخصلرین ساییسی سون ۱۰ ایلده رکورد آرتیش گؤستردی.

راپورا گؤره، ۲۰۲۰.جی ایلده دونیادا ۸۲ میلیون ۴۰۰ مین‌دن چوخ انسان یئرین‌دن ائدیلدی.

گئچه‌ن ایل کوروناویروس سالقینی سببیله گتیریله‌ن سیاحت قیسیدلامالارینا باخمایاراق تخمیناً ۳ میلیون نفر داها ائوینی ترک ائتمک مجبوریتین‌ده قالدی.

اؤلکه‌سینی ترک ائد‌نلرین باشین‌دا سوریه‌لی‌لر، ونزوئلالیلار، افغانستانلیلار، گونئی سودان‌لیلار و آراکان‌لی مسلمانلار گلیر.

یئرین‌دن ائدیله‌نلرین یوزده ۴۲سینی ۱۸ یاش آلتین‌داکی اوشاقلار اولوشدورور. ۲۰۱۸-۲۰۲۰ ایللری آراسین‌دا تخمیناً بیر میلیون اوشاغین سیغینماچی اولاراق دونیایا گلدیگی ایفاده ائدیلیر.

بیرلشمیش ملتلرین بیلگیلرینه گؤره، ان چوخ سیغینماچی قبول ائد‌ن اؤلکه‌لرین باشین‌دا ایسه تورکیه گلیر.

تخمیناً ۳ میلیون ۷۰۰ مین سیغینماچینی قوناق ائدن تورکیه، سون ۷ ایلدیر دونیادا ان چوخ سیغینماچییا صاحب اؤلکه‌دیر.

تورکیه‌نی، ۱،۷ میلیون ایله کلمبیا، ۱،۴ میلیون ایله پاکیستان و اوگاندا، ۱،۲ میلیون ایله ده آلمانیا ایزله‌دی.

راپور‌دا کووید-۱۹ قیسیدلامالارینین قالدیریلماسی ایله دونیاداکی چاتیشمالارین آرتاجاغی ایفاده ائدیله‌رک یئیه‌جک قیتلیغینین و اقلیم شرطلرینین بو وضعیتی داها پیس حالا گتیرجگی ایفاده ائدیلدی.



ایلگیلی‌لی خبرلر