اردوغان‌: اونودولمامالیدیر کی تورکیه‌ سرحدلری عینی زاماندا ناتو سرحدلری‌دیر

ناتونون ان بؤیوک ایکینجی اوردوسونا صاحب اولان تورکیه، ناتونون گونجل تهدید و امتحانلارا قارشی اویومو اوچون فعال رول اویناماق‌دادیر"

1657769
اردوغان‌: اونودولمامالیدیر کی تورکیه‌ سرحدلری عینی زاماندا ناتو سرحدلری‌دیر

جمهورباشقانی رجب طیب اردوغان،

"یالنیز اؤز ملی چیخارلاریمیز اوچون دئییل، ترانس‌آتلانتیک جغرافیاسینین گوونلیک و ثابتلیگینین تامینی اوچون ده اؤنملی بیر مسئولیت اوستلندیگمیزی بیلیر، آددیملاریمیزی بو بیلینجله آتیریق" ایفاده‌لرینی ایشلتدی.

جمهورباشقانی اردوغان، ناتو دؤولت و حکومت باشقانلاری ذیروه‌سی مارژین‌دا تشکیل ائدیله‌ن بروکسل فورومونون "ثابت‌لیگه قاتقی" باشلیق‌لی اوتوروموندا ویدئو مئساژ یولویلا دانیشدی.

اردوغان، تورکیه‌نین عراق‌دان افغانستانا، قافقازلاردان بالکانلارا، قاراد‌نیزدن آغ دنیزه، آفریقایا قدر ثابتلیین تاسیسینه قارشی بوتون چابالارا لیدئرلیک ائتدیگینی، قاتقی وئردیگینی ایفاده ائتدی.

جمهورباشقانی اردوغان، تورکیه‌نین قونشولارییلا ایلیشکی‌لرین‌ده اولوسلارآراسی حقوقا، عدالت و حقانیته، قارشی‌لیق‌لی حاق و چیخارلارا سایغی دویدوغونو سؤیله‌یه‌رک،

"قونشوموز و متفقیمیز یونانیستانلا دیالوگون جانلاندیریلماسینین، ایکی‌لی مسئله‌لرین حلینین یانین‌دا بؤلگه‌میزین ثابت‌لیک و رفاهینا دا خیدمت ائتدیگینه اینانیرام" دئیه دانیشدی.

اردوغان، بو گون ثابتلیگین تاسیسینین اؤنون‌ده‌کی ان بؤیوک مانعلردن بیرینین ترور اولدوغونو وورغولایاراق،

"تورکیه، ناتو باش‌دا اولماق اوزره ایلگیلی بوتون اولوسلارآراسی پلتفورملاردا ترورلا مبارزه‌ده ایلک صف‌ده یئر آلماقدادیر. پ‌کاکا/پ.ی.ددن داعش و فئتؤیه قدر بیر چوخ ترور هؤرگوتو ایله سرحدلریمیز ایچین‌ده و دیشیندا ائتکیلی بیر مبارزه‌نین ایچینده‌ییک" دئدی.

تورکیه‌نین داعشله اوز اوزه ووروشان و بو اوغوردا گنج اؤولادلارینی شهید وئره‌ن تک ناتو متفقی اولدوغونو ایفاده ائد‌ن اردوغان، بئله داوام ائتدی:

"سرحد اؤته‌سی عملیاتلاریمیزدا ۴ مینه یاخین داعش‌لی تروریستی ائتکیسیز حالا گتیردیک. ترورون هر جورونه قارشی ایجرا ائتدیگیمیز مبارزه‌ده تأسف کی، متفق و اورتاقلاریمیزدان گؤزله‌دیگیمیز دستک و دایانیشمانی گؤره‌بیلمه‌دیک.

سوریه، عراق و تورکیه‌ده الی گناه‌سیزلارین قانینا بولاشمیش ترور هؤرگوتو چته‌باشلارینین قانونی بیر آکتور کیمی ان اوست سویه‌ده مخاطب آلیندیغینا، دستکلندیگینه شاهد اولدوق.

اونودولمامالی‌دیر کی تورکیه‌نین سرحدلری عینی زامان‌دا ناتو سرحدلری‌دیر. بو باخیم‌دان، یالنیز اؤز ملی چیخارلاریمیز اوچون دئییل، ترانس‌آتلانتیک جغرافیاسینین تهلوکه‌سیزلیک و ثابتلیگینین تامینی اوچون ده اؤنملی بیر مسئولیت  آلدیغیمیزی بیلیر، آددیملاریمیزی بو بیلینجله آتیریق".

تورکیه‌نین، ناتو عملیات و گؤره‌ولرینه ان چوخ قاتقی وئرن ایلک ۵، اورتاق بودجه‌یه ان چوخ قاتقی وئره‌ن ایلک ۸ متفق آراسین‌دا یئر آلدیغیمی ایفاده ائد‌ن اردوغان، بونلاری قئید ائتدی:

"چوخ یوکسک حاضرلیق سویه‌لی مشترک وظیفه گوجلرینین یؤنتیمی ده بو ایل تورکیه‌ده‌دیر. اتفاقین ان بؤیوک ایکینجی اوردوسونا صاحب اولان تورکیه، ناتونون گونجل تهدید و امتحانلارا قارشی اویومو اوچون فعال رول اویناماق‌دادیر.

حاضرلیق‌لی اولا بیلمک باخیمین‌دان متفقلر اولاراق آتاجاغیمیز آددیملار قدر، اورتاقلاریمیزین ظرفیت گلیشدیرمه‌لرینه ائدجگیمیز قاتقیلار دا اؤنملی‌دیر.

تورکیه، دینامیک اقتصادی، گوجلو ساوونما صنایعی، ایلکه‌لی خاریجی سیاستی و متفقلریله امکداش‌لیق ایچین‌ده، دونیا باریش، رفاه و ثابتلیگینین تاسیسینه کؤمک‌چی اولماغا داوام ائده‌جک".



ایلگیلی‌لی خبرلر