اردوغان بروکسل‌ده ماکرون ایله گؤروشدو
تورکیه ساعتی ایله ۱۸.۰۰ده گؤزلر اردوغانین آمریکا باشقانی جو بایدن ایله ائدجگی گؤروشمه‌ده اولاجاق
1657511
جمهورباشقانی رجب طیب اردوغان، بلژیکین باشکندی بروکسل‌ده فرانسا جمهورباشقانی امانوئل ماکرون ایله بیر آرایا گلدی.
ایکی لیدئرین ناتو ذیروه‌سی چرچیوه‌سین‌ده ناتو قرارگاهین‌دا مطبوعاتا باغلی گرچکلشن گؤروشمه‌سی تخمیناً ۵۰ دقیقه داوام ائتدی.
اردوغان، داها سونرا اینگیلتره باشباخانی بوریس جانسون و آلمانیا باشباخانی آنگلا مرکل ایله آیری آیری بیر آرایا گلدی.
جمهورباشقانی آیریجا یونانیستان باشباخانی کیریاکوس میچوتاکیس ایله ده گؤروشه‌جک.
تورکیه ساعتی ایله ۱۸.۰۰ده ده گؤزلر اردوغانین آمریکا باشقانی جو بایدن ایله ائدجگی گؤروشمه‌ده اولاجاق. اردوغان، بو گؤروشمه‌نین آردین‌دان بیر مطبوعات کنفرانسی تشکیل ائد‌جک.
اردوغان، دونن ده ماجاریستان باشباخانی ویکتور اوربان، لیتوانی جمهورباشقانی گیتاناس ناوسدا و لتونی جمهورباشقانی اگیلس لوتس ایله آیری آیری گؤروشموشدو.
