"مخمور، پکاکالیلارین تؤرهمه کمپینه دؤندو"
چاووشاوغلو: پکاکانین بورالاردا دا یووالاندیغی گؤرولور
خاریجی ایشلر باخانی مؤولود چاووشاوغلو، عراقین قوزئییندهکی مخمور کمپینین، بیر سیغینماچی کمپی اولماقدان چیخیب تروریستلرین تعلیم گؤردوگو پکاکالیلارین بیر تؤرهمه کمپینه دؤندوگونو سؤیلهدی.
تورکیه رادیو تلویزیون قورومو (ترت) اؤزل یایینینا قوناق اولان چاووشاوغلو، ترورلا مبارزهیه توخوندوغو آچیقلاماسیندا، کمپین عراق مرکزی یؤنتیمینین مسئولیتینه گیردیگینی ایفاده ائدرک،
"بونو حل ائدجک اولان عراق رهبرلیگیدیر. اطرافیندا دا داغلار وار. پکاکانین بورالاردا دا یووالاندیغی گؤرولور" دئدی.
کمپه گیریش چیخیشلاری بؤلوجو ترور هؤرگوتو پکاکانین کنترل ائتدیگینی دئین چاووشاوغلو، بیرلشمیش میللتلره لازیم اولان بیلدیریملری چاتدیردیقلارینی خاطیرلاداراق،
"بیرلشمیش میللتلرین هئچ بیر سوچو یوخدور دئمک ایستهمیرم اما بورا، بیرلشمیش میللتلرین کنترل ائتدیگی بیر دوشرگه دئییل" دئدی.
کمپین پکاکادان تمیزلهنمهسی اوچون عراق رهبرلیینه "یا امکداشلیق ائدک یا دا بوراخین بیز تمیزلهیک" دئدیکلرینی دیله گتیرهن چاووشاوغلو،
"بیزیم عراقین اگمنلیگینه سایغیمیز وار. عراقین تورپاق بوتونلویونه دستک وئردیگیمیزی هر کس گؤردو. یاشادیقلاری پروبلئملرده هر زامان یانلاریندا اولدوق. بیز بونو بیرلیکده ائتمهیی آرزو ائدریک. ظرفیتی وارسا ترورو تمیزلهمهلری بیزیم ترجیحیمیز اولار. اما معالاسف. بیز بونو ائدجک ظرفیتدهییک. وطنداشلاری آییرد ائدرک بونو ائدهبیلهجک ظرفیتدهییک" دئیه دانیشدی.
عراقین، اؤلکهدهکی تروریستلردن راحاتسیز اولدوغونو، تورپاقلاریندان تورکیهیه سالدیرماسینی آرزو ائتمهدیگینی سؤیلهدیگینی ایفاده ائدن چاووشاوغلو،
"اما بونو سؤیلهمک فرقلی بیر شئی، اویقولاماق فرقلی بیر شئی" دئدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.