چاووش‌اوغلو: یانلیش سیاستلردن وازگئچمه‌لی
"اسرائیلین، هانسی حکومت اولورسا اولسون بیزیمله ساغلام بیر ایلیشکی داوام ائتدیره بیلمه‌سی اوچون اؤنجه یانلیش سیاستلردن وازگئچمه‌سی لازیم"
خاریجی ایشلر باخانی مؤولود چاووش‌اوغلو، اسرائیلین تورکیه ایله ساغلام بیر ایلیشکی داوام ائتدیره‌بیلمه‌سی اوچون یانلیش سیاستلردن وازگئچمه‌سی لازیم اولدوغونو ایفاده ائتدی.
مؤولود چاووش‌اوغلو، باشکند آنکارادا اولان توگو خاریجی ایشلر باخانی روبرت دوسه ایله خاریجی ایشلر باخانلیغیندا تشکیل ائدیله‌ن اورتاق مطبوعات کنفرانسین‌دا دانیشدی.
بیر ژورنالیستین، اسرائیل‌ده حکومت قورما ایشلری و یئنی قورولاجاق حکومت‌دن گؤزلنتیلرینه باغلی سوالینا چاووش‌اوغلو، حکومت قورما ایشینین اسرائیلین ایچ ایشی اولدوغو جاوابینی وئردی.
چاووش‌اوغلو، اسرائیل‌ده حکومتی کیملرین قوراجاغی دئییل، قورولاجاق حکومتین هانسی سیاستلر ایزله‌یه‌جه‌گینین اؤنملی اولدوغونا دقت چکه‌رک،
"اسرائیلین هانسی حکومت اولورسا اولسون بیزیمله ساغلام بیر ایلیشکی داوام ائتدیره بیلمه‌سی اوچون اؤنجه یانلیش سیاستلردن وازگئچمه‌سی لازیم. (اسرائیلین) فلسطین سالدیریلارینی دوردورماسی لازیم‌دیر. آیریجا ایکی دؤولت‌لی چؤزومو آشیندیراجاق آددیملاردان وازگئچمه‌سی لازیم‌دیر. باریش سوره‌جینه تکرار دؤنمه‌سی لازیم‌دیر" دئیه دانیشدی.
اؤته یاندان اسرائیلین اؤزللیکله سون زامانلاردا یاسادیشی یئرله‌شیملری آرتیردیغینی و فلسطینلیلرین تورپاقلارینی غصب ائتمه‌یه داوام ائتدیگینی وورغولایان چاووش‌اوغلو،
"دونن و بو گون یئنه یاسادیشی یئرله‌شیم قونوسون‌دا آددیم آتدیلار. خاریجی ایشلر باخانلیغی اولاراق بو مؤوضوعودا بیر آچیقلاما وئردیک. اسرائیلین بو سیاستلردن وازگئچمه‌سی لازیم‌دیر. آیریجا قدسون ایستاتوسونو آشیندیراجاق آددیملاردان دا وازگئچمه‌سی لازیم‌دیر" ایفاده‌لرینی ایشلتدی.
چاووش‌اوغلو، اسرائیلله ساغلام ایلیشکی‌لرین قورولماسی اوچون اسرائیلین بو سیاستلردن وازگئچمه‌سی لازیم اولدوغونا ایشاره ائد‌رک،
"(اسرائیل) بو سیاستلری داوام ائتدیرسه بیزیم ساغلام بیر ایلیشکی قورمامیز ممکن دئییل اما اسرائیل، ایکی دؤولت‌لی چؤزوم کی بونون پارامترلری بللی، باریش سوره‌جینه دؤنسه و فلسطینلیلرین حاقلارینا حؤرمت ائتسه او زامان یالنیز بیزیمله دئییل، هر کسله ایلیشکی‌لری داها ساغلام اولار" شکلین‌ده دانیشدی.
