تورکیه، بئش آیدا ۴ مینه یاخین سیغینماچی قورتاردی
داها یاخشی بیر حیات قورماق اوچون آوروپایا گئتمهیه چالیشان سیغینماچیلارین "اومودا یولچولوغو" سورور
تورکیه سون ۵ آیدا یونانیستان عنصورلاری طرفیندن قووولان ۳ مین ۷۶۳ سیغینماچینی قورتاردی.
اؤلکهلرینده یاشانان ایچ ساواش و قاریشیقلیقلار سببیله داها یاخشی بیر حیات قورماق اوچون آوروپایا گئتمهیه چالیشان سیغینماچیلارین "اومودا یولچولوغو" سورور.
اوشاقلار و قادینلارین دا آرالاریندا اولدوغو و توتومونون چوخ اوزریندهکی قاییق، و گمیلره مینیب اژه دنیزینه چیخان سیغینماچیلار، یونانیستان عنصورلارینا یاخالاندیقدان سونرا پیس داورانیشلارا معروض قالیر.
قیمتلی اشیالاری، یئمک، ایچمکلری آلیندیقدان سونرا موتورلاری سؤکولهن گمیلرله تورک سولارینا دوغرو قاییتماغا مجبور ائدیلن سیغینماچیلار، سانکی اؤلومه ترک ائدیلیر.
یاسادیشی گئچیشلرله مبارزهسینی آرالیقسیز داوام ائتدیرهن تورک ساحل گوونلیک تیملری، یونان عنصورلاری طرفیندن گئری قایتاریلان سیغینماچیلاری قورتاریب تورکیهیه گتیریر.
دنیزده آچ و سوسوز قالان سیغینماچیلارا ساحل گوونلیک قاییغیندا ایلک یاردیم ائدن تیملر، ساغلیق پروبلئمی اولانلاری سرعتله خستهخانالارا گؤندریر.
ساحل گوونلیک تیملری، ژانویهده ۱۶۹، فوریهده ۵۲۴، مارتسدا ۸۲۵، آوریلده ۱۶۲۰، مید ۶۲۵ اولماق اوزره توپلام ۳ مین ۷۶۳ سیغینماچینی قورتاردی.