اردوغان: اسلام دوشمنلیگی سرطان کیمی سرعتله یاییلماقدادیر
"مسلمانلارا قارشی بو یئنی عرق‌چیلیق، باتی‌لی‌لارین اؤزلری طرفین‌دن 'اسلاموفوبی' آدییلا یومشادیلماق ایسته‌نیلسه ده بیز گئرچک‌ده ائدیله‌نین اسلام دوشمنلیگی اولدوغونو یاخشی بیلیریک"
پرزیدنت رجب طیب اردوغان،
"باتی باشدا اولماق اوزره دونیانین بیر چوخ یئرین‌ده اسلام دوشمنلیگی خسته‌لیگی سرطان حجره‌سی کیمی سرعتله یاییلماقدادیر" دئدی.
اردوغان، ۱.جی اولوسلارآراسی مئدیا و اسلاموفوبی سمپوزیوموندا دانیشدی.
اردوغان، آمریکان رهبرلیگینین ۱۱ سپتامبر سالدیریلارینین آردین‌دان باشلاتدیغی 'مسلمانلاری شیطانلاشدیرما' استراتژیسینین، بیر چوخ توپلومون مد‌نی قورولوشون‌دا ذاتاً وار اولان اسلام دوشمنلیگی ویروسونو حرکتلندیرن بیر ایشله‌و گؤردوگونو سؤیله‌دی.
"داها دوننه قدر 'مارژینال' قبول ائدیله‌ن بعضی عرقچی آخینلارین آرتیق سیاستین مرکزینه یئرلشمه‌لری، باتینین ایچینه دوشدوگو باتاقلیق‌دان قورتولماق یئرینه درینه باتماغی سئچدیگینین ایشاره‌سی‌دیر" دئیه‌ن اردوغان،
"ایکینجی دونیا ساواشی سیراسین‌دا یاشانان یهودی سوی‌قیریمینی اؤزفیکیرلرینجه اؤزل بیر پارانتزه آلانلار بو دفعه هدف تاختاسینا مسلمانلاری یئرلشدیرمیشلر.
اؤزگورلوکلرین اورتادان قالخدیغی بیر یئرده رفاهین دا اوزون مدت وارلیغینی داوام ائتدیره‌بیلمه‌یه‌جگی گئرچگینه اوز چئویرنلر اصلین‌ده اسلاما دئییل اؤز گله‌جکلرینه دوشمنلیک ائتمک‌ده‌دیر" ایفاده‌لرینی ایشلتدی.
جمهورباشقانی،
"مسلمانلارا قارشی بو یئنی عرق‌چیلیق، باتی‌لی‌لارین اؤزلری طرفین‌دن 'اسلاموفوبی' آدییلا یومشادیلماق ایسته‌نیلسه ده بیز گئرچک‌ده ائدیله‌نین اسلام دوشمنلیگی اولدوغونو یاخشی بیلیریک" دئدی.
(باتی‌دا) بوتون وطنداشلارینین گوونلیگینی تامین ائتمکله سوروملو مقاملارین سانکی بیر اسلام دوشمنلیگی یاریشینا گیریشدیگینی سؤیله‌یه‌ن اردوغان،
"(اسلاموفوبی) باتینین بو تهدیدین اؤلچولرینی دارتیشماق یئرینه عرقچی و آیریمچی آخینلارین تأثیرینه گیرمه‌سی کسدیرمه یولو سئچمکدن باشقا بیر شئی دئییل" دئیه دانیشدی.
اردوغان، بئله داوام ائتدی:
"اسلام دونیاسی اؤز آراسین‌دا وحدتی تاسیس ائتدیگین‌ده اسلام دوشمنلیگینه قارشی وئریله‌جک مبارزه‌نین قیسا مدت‌ده نتیجه‌یه چاتماسی ممکن‌دور. دونیانین هر یئرین‌ده‌کی وجدان صاحبی سیاست‌چیلری، آیدینلاری، مئدیا منسوبلارینی، بو آرادا اؤز دین آداملاریمیزی اسلام دوشمنلیگی خسته‌لیگینه قارشی حرکته گئچیرمه‌میز لازیم‌دیر".
