تورکیه ۹۰ میلیون دوز داها آشی آلدی
فایزر و بیوان‌تک‌دن وئریله‌ن آچیقلامادا، ۳۰ میلیون دوز سئچه‌نکلی اولماق اوزره ۹۰ میلیون دوز علاوه آشی تدارک ائدیله‌جگی ایفاده ائدیلدی
تورکیه، آمریکا درمان شیرکتی فایزر ایله آلمان بیوتکنولوژی فیرماسی بیوان‌تک‌ین گلیشدیردیگی یئنی نسیل کوروناویروس (کووید-۱۹) آشیسین‌دان ۳۰ میلیون دوز سئچه‌نکلی اولماق اوزره توپلام ۹۰ میلیون دوز داها ساتین آلدی.
فایزر و بیوان‌تک‌دن وئریله‌ن آچیقلامادا، داها اؤنجه ائدیله‌ن آنلاشمایلا قرارلاشدیریلان ۳۰ میلیون دوزون اوزرینه تورکیه‌یه ۳۰ میلیون دوز سئچه‌نکلی اولماق اوزره ۹۰ میلیون دوز علاوه آشی تدارک ائدیله‌جگی ایفاده ائدیلدی.
آچیقلامادا، توپلامدا ۱۲۰ میلیون دوز آشینین، ۲۰۲۱ده پایلانماسینین گؤزله‌نیلدیگی قید ائدیلدی.
آچیقلامادا فیکیرلرینه یئر وئریله‌ن بیوان‌تک اوست یؤنتیجیسی و قوروجو اورتاغی پروفسور دکتر اوغور شاهین، مقصدلرینین، سالقینی سونا چاتدیرماق، خسته‌خانا یاتیشلارینی آزالتماق و نورمال حیاتا دؤنمه‌یه کؤمک‌چی اولماق اوچون دونیانین دؤرد بیر طرفین‌ده‌کی اینسانلارا مومکون اولدوقجا چوخ کووید-۱۹ آشیسی تامین ائتمک اولدوغونو ایفاده ائد‌رک،
"تورکیه‌نین وطنداشلارینی آشیلاما چابالارینا اؤنملی بیر قاتقی‌دا بولانابیلدیگیمیز و بیزه دویولان گووه‌ن اوچون سئوینج دویدوق" ایفاده‌سینی ایشلتدی.
