اردوغان: سیز قانلی اللرینیزله تاریخ یازیرسینیز

"آمریکانین و اونو تعقیب ائدن اؤلکه‌لرین، ۲۰۱۷ سونون‌دا قدسو ایسرائیلین باشکندی اولاراق اعلان ائتمه‌لری، بو قاتیل دؤولتین قان تؤکمه ایشتاهاسینی آرتیرمیش‌دیر"

1641007
اردوغان: سیز قانلی اللرینیزله تاریخ یازیرسینیز

پرزیدنت رجب طیب اردوغان، آمریکا باشقانی جو بایدنین ایسرائیله سلاح ساتیشینی اونایلاماسینا، "سیز قانلی اللرینیزله تاریخ یازیرسینیز" سؤزلریله تپکی وئردی.

اردوغان، کابینه توپلانتیسینین آردین‌دان وئردیگی آچیقلامادا، 

"سیز قانلی اللرینیزله تاریخ یازیرسینیز. بو گون ده تکرار خاطیرلادیرام ۸۴ میلیون اولاراق قدس کئشیگیمیزی داوام ائتدیریریک، داوام ائتدیرجییک. فیلیسطین تورپاقلاری قانلا یویولور، سیز بونا دستک اولورسونوز" ایفاده‌لرینی ایشلتدی.

"آمریکانین و اونو تعقیب ائدن اؤلکه‌لرین، ۲۰۱۷ سونون‌دا قدسو ایسرائیلین باشکندی اولاراق اعلان ائتمه‌لری، بو قاتیل دؤولتین قان تؤکمه ایشتاهاسینی آرتیرمیش‌دیر" دئیه دانیشان اردوغان،

"بونلار(ایسرائیل)، ۵-۶ یاشین‌داکی بالالاری اؤلدوره‌جک قدر، قادینلاری یئرلرده سورون‌وره‌رک اؤلدوره‌جک قدر، یاش‌لی اینسانلاری اؤلدوره‌جک قدر قاتیل. بونلارین بنزری یوخ" دئدی.

بایدنین، ایسرائیله ۷۳۵ میلیون دلارلیق سلاح ساتیشینا اونای وئردیگی آچیقلانمیشدی.

پرزیدنت اردوغان، باشباخانلیق بیناسینا ایسرائیل بایراغی چکه‌ن اتریش دؤولتینی تلعین ائتدیگینی ده بیلدیره‌رک،

"اتریش دؤولتی هر حال‌دا سوی‌قیریما تابع توتدوقلاری یهودیلرین حسابینینی مسلمانلارا اؤدتدیرمه‌یه چالیشیر" دئیه دانیشدی. اردوغان،

"قدسون ۳ دینین نماینده‌لرین‌دن اولوشان بیر کمسیون طرفین‌دن ایداره اولونماسی، گونوموز شرطلرین‌ده ان دوغرو و توتارلی یول اولاجاق" تکلیفینی ده دیله گتیردی.



ایلگیلی‌لی خبرلر