بوزقیردان ارمنیستانا سوی‌قیریم جاوابی
"بیر اولایی سوی‌قیریم اولاراق تانیملاماق اوچون، یئتکی‌لی بیر اولوسلارآراسی محکمه بو یؤنده بیر قرار وئرمه‌لی‌دیر"
بیرلشمیش میللتلر ۷۵.جی باش قورول باشقانی وولکان بوزقیر،
"سوی‌قیریم سوچونون صلاحیت صاحبی بیر یارغی اورگانی طرفین‌دن معین اولونماسی لازیم‌دیر، یعنی بیر اولایی سوی‌قیریم اولاراق تعیین ائتمک اوچون، یئتکی‌لی بیر اولوسلارآراسی محکمه بو یؤنده بیر قرار وئرمه‌لی‌دیر" دئدی.
وولکان بوزقیر، بیرلشمیش میللتلر باش قورولون‌دا باریش اوچون چوخ طرف‌لی‌لیک و دیپلوماسینین اله آلیندیغی توپلانتیدا "سوی‌قیریم" ادعالارینی گوند‌مه گتیره‌ن ارمنیستانا جاواب وئردی.
سوی‌قیریمین ۱۹۴۸ده قبول ائدیله‌ن بیرلشمیش میللتلر سوی‌قیریم سوچونون اؤنله‌نمه‌سی و جزالاندیریلماسی سؤزلشمه‌سینده اؤزل اولاراق تانیملانان بیر سوچ اولدوغونا، نه‌یین سوی‌قیریم اولدوغو و بونون نئجه تعیین اولوندوغونون سؤزلشمه‌ده آچیقجا بیلدیریلدیگینه دقت چکه‌ن بوزقیر،
"سوی‌قیریم سوچونون صلاحیت‌لی بیر یارغی اورگانی طرفین‌دن معین ائدیلمه‌سی لازیم‌دیر، یعنی بیر اولایی سوی‌قیریم اولاراق تانیملاماق اوچون، یئتکی‌لی بیر اولوسلارآراسی محکمه بو یؤنده بیر قرار وئرمه‌لی‌دیر" دئدی.
بوزقیر، بیرلشمیش میللتلرین نه‌یین سوی‌قیریم اولدوغو یولوندا‌کی توتومونون سوی‌قیریم سوچونون اؤنله‌نمه‌سی و جزالاندیریلماسی سؤزلشمه‌سی ایله اویوملو اولدوغونو و گئچمیش‌ده ده بیرلشمیش میللتلر مقاملاری طرفین‌دن دفعه‌لرله تکرارلاندیغینی وورغولادی.
باشقان بوزقیر، ایکی هفته اؤنجه ده بیرلشمیش میللتلر باش یازمان سؤزچوسونون "سوی‌قیریمین اویغون بیر یارغی اورگانی طرفین‌دن تانیملانماسی لازیم اولدوغو" یؤنونده‌کی آچیقلاماسینی خاطیرلاتدی.
آمریکا باشقانی جو بایدن، ۲۴ آوریل‌ده، ۱۹۱۵ حادثه‌لرینی "سوی‌قیریم" اولاراق تانیملامیش، تورکیه ایسه بونا سرت تپکی وئرمیشدی.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
