تورکیهدن اسرائیله چاغری
"فیلیسطینلی بوتون قروپلاری بیرلیک و آنلاشما یولوندا چابا صرف ائتمهیی داوام ائتدیرمهیه تشویق ائدیریک"
تورکیه: اسرائیل حکومتینی، (دوغو قدسداکی) انگللییجی توتومونا سون وئرمهیه چاغیردی.
خاریجی ایشلر باخانلیغیندان وئریلهن آچیقلامادا، فیلیسطینلی قروپلارین ایشتیراکییلا دونن گرچکلشدیریلن توپلانتی نتیجهسینده، فیلیسطینده ۲۰۰۶.جی ایلدهن بو یانا ایلک دفعه تشکیل ائدیلمهسی نظرده توتولان پارلمان و جمهورباشقانلیغی سئچیملرینین ارتهلنمهسینه قرار وئریلدیگینین کدرله اؤیرنیلدیگی بیلدیریلدی.
آچیقلامادا، فیلیسطینلی قروپلاری بو ایستیقامتده قرار آلماغا آپاران تمل سببین، اسرائیلین اؤزللیکله دوغو قدسدا سئچیملرین گرچکلشدیریلمهسی قونوسوندا فیلیسطین رهبرلیگی طرفیندن ائدیلهن مراجعتی جاوابسیز بوراخماسی و سئچیم فعالیتی ایجرا ائدیلمهسینه ایجازه وئرمهمهسی اولدوغو بیلدیریلدی.
اسرائیل حکومتینه، فیلیسطین سئچیملرینین در حال گرچکلشدیریلمهسینی تامین ائتمکله، ۱۹۹۵ اوسلو گئچیجی آنلاشماسینین حؤکملرینه رعایت ائدرک، حاقیندا دانیشیلان انگللیجی توتومونا سون وئرمه چاغریسی ائدیلن آچیقلامادا،
"اؤته یاندان، سئچیملرین ارتهلنمهسینه باغلی آلینان قرارین، اؤلکهمیزین ده بؤیوک اؤنم وئردیگی فیلیسطینلیلرآراسی آنلاشما سورهجینه منفی یؤنده تأثیر ائتمهمهسینی آرزو ائدیر و فیلیسطینلی بوتون قروپلاری بیرلیک و آنلاشما یولوندا چابا صرف ائتمهیی داوام ائتدیرمهیه تشویق ائدیریک" دئییلدی.
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب