عمر چلیک جو بایدنین آچیقلاماسینا سرت رئاکسیا وئریب

"سوی قیریم سؤزونون میللتیمیز اوچون، دؤولتیمیز اوچون، تاریخیمیز اوچون ایستیفاده ائدیلمه‌سینی اصلا قبول ائتمیریک، ایستیفاده ائدن‌لری شدتله قینادیغیمیزی ایفاده ائدیریک. بو، هر زامان تلقین ائدجگیمیز بیر یاناشما‌دیر. مسئولیت‌سیز بیر یاناشما‌دیر ، حقوقی اساسی و تاریخی اساسی یوخ‌دور".

بونو عدالت و اینکیشاف پارتیسی‌نین (آک) سؤزچوسو عمر چلیک پارتی‌نین ایداره هئیتی‌نین ایجلاسیندان سونرا کئچیردیگی مطبوعات کنفرانسیندا امریکا پرزیدنتی جو بایدنین 1915-جی ایل حادثه‌لرینی "سوی قیریمی" کیمی آدلاندیرماسی ایله علاقه‌دار وئردیگی آچیقلامادا دئییب.

عمر چلیک 1915 حادثه‌لری ایله علاقه‌دار اولا‌راق امریکا-دا هم دموکرات پارتی، هم ده جمهوریتچیلرجهت‌دن داوام ائتدیریلن اننوی سیاست‌دن ایلک دفعه بیر اؤلکه پرزیدنتی‌نین ایمتینا ائتدیگینی سؤیله‌ییب.

تاریخی معلومات‌لارلا دا، حقوقی اساس‌لارلا علاقه‌لی اولمایان بیر وضعیتله قارشیلاشدیغیمیزی بیلدیرن چلیک بو سیاست‌لرین دیاسپورا‌داکی ائرمنی فاناتیک ماراق قروپ‌لاری‌نین تامامیله گیرووونا چئوریلدیگینی ایفاده ائدیب.

بو قروپ‌لارین ائرمنیستانین و بیر چوخ دؤولت‌دکی سیاستی ده گیروو ساخلادیغینی سؤیله‌ین چلیک امریکا پرزیدنتی‌نین بئله فاناتیک بیر قروپا تسلیم اولدوغونو ایلک دفعه گؤردوک‌لرینی وورغولاییب.

سیاستین و دیپلوماتیانین تاریخی موحاکیمه ساحه‌سی اولمادیغینی وورغولایان چلیک "تاریخی بیر یوکه چئویرمک هئچ بیر سعی، هئچ بیر سعی طلب ائتمه‌ین سون درجه ساده بیر حادثه‌دیر. تأسف کی، بورادا سیاست و دیپلماسی‌نین مؤوجودلوق سببینی ده ترک ائدن سون درجه دار بیر پرسپکتیوله قارشیلاشدیغیمیزی گؤروروک" دئییب.

تورکیه-‌نین بو مؤوضوع دا حساس اولدوغونو و بیرلشمیش میللت‌لر تشکیلاتی‌نین 1950-جی ایلدن بری سوی قیریمی جینایتی‌نین قارشی‌سی‌نین آلینماسی و جزالاندیریلماسی کنونسیونونون طرفداری اولدوغونو وورغولایان چلیک 1915-جی ایل حادثه‌لرینده سوی قیریم اولا‌راق آدلان‌دیریلا‌جاق بیر مظمونونون و نتیجه‌نین اولمادیغی‌نین دقیق و آچیق شکیلده اورتایا قویولدوغونو دیله گتیریب.