اردوغان: تورکه، تورک میللتینه 'سویقیریم' اتیکتینی یاپیشدیرابیلمزسینیز
"آمریکا و آوروپا اگر بیزیمله تاریخ قونوسوندا یاریشا گیرهجک اولسا اونلار اینسان ایچینه چیخابیلمهیهجک وضعیته گلهجکدیر"
جمهور باشقانی رجب طیب اردوغان،
آمریکا باشقانی جو بایدنین، بیر عصردن داها اوزون مدت اول (۱۹۱۵) یاشانمیش آجیلی حادثهلرله باغلی "اساسسیز، حاقسیز، حقیقتلره ضد ایفادهلر" ایستیفاده ائتدیگینی سؤیلهیهرک،
"تورکه، تورک میللتینه 'سویقیریم' اتیکتینی یاپیشدیرابیلمزسینیز" دئدی.
جمهور باشقانی اردوغان، کابینه ییغینجاغینین آردیندان دانیشدی.
۲۴ آوریلده، جو بایدنین ۱۹۱۵ حادثهلرینی سؤزده "سویقیریم" اولاراق تانیملاماسینا تپکی وئرهن اردوغان،
"(بو تانیملاما) رادیکال ارمنی دایرهلرین و تورکیه قارشیدی قروپلارین باسقیسی ایله یئر وئریلدیگینی دوشونوروک" دئیه دانیشدی.
بایدنین، بیر عصردن داها اوزون مدت اول یاشانمیش آجیلی حادثهلرله باغلی اساسسیز، حاقسیز و حقیقتلره ضد ایفادهلر قوللاندیغینی سؤیلهیهن اردوغان،
"آمریکا و آوروپا اگر بیزیمله تاریخ قونوسوندا یاریشا گیرهجک اولسا اونلار اینسان ایچینه چیخابیلمهیهجک وضعیته گلهجکدیر. بونو بیز دئییل، آوروپالی تاریخچیلر سؤیلهییر. اگر سویقیریم دئییرسینیزسه بئله بیر اؤزونوزو آینایا باخیب دگرلندیرمهنیز لازیم" دئدی.
"عثمانلی، ارمنی اهالینی باشقا یئره گؤندرمهمیش، تورپاقلاریندا یئر دگیشدیرتمیشدیر. (بو شخصلره) بیر هفته واخت وئریلمیش، عذرو اولانلار معاف توتولموشدور" معلوماتینی پایلاشان اردوغان،
"سؤوق و اسکانا تابع توتولان ارمنیلرین سایسیی آمریکانین راپورلاریندا بئله ان چوخ ۶۰۰ مین اولاراق ایفاده ائدیلمکدهدیر کی گئرچک رقم داها دا آزدیر" دئیه دانیشدی.
جمهور باشقانی، بیر چوخ یئرده (او دؤورده) ارمنیلرین قتل ائتدیگی تورکلره عاید توپلو مزارلار اولدوغونو، اما هئچ بیر یئرده ارمنیلره عاید توپلو مزارا راستلاناممایاجاغینی دا وورغولادی. اردوغان،
"۲۴ آوریلده اینسانی تراژدی آدینا هئچ بیر شئی اولمامیشدیر. ۲۴ آوریل ۱۹۱۵، عثمانلی دؤولتینین، علیهینه فعالیت یئریدن تشکیلاتلاری باغلاییب ۲۳۵ ایدارهچیسینی حبس ائتدیگی گوندور. ارمنی چتهلری تورک اوردوسویلا و یا شهرلرینی قورویان میلیسلریله چاتیشمیش، ساوونماسیز اینسانلاری قتل ائتمیشدیر. بوتون گئرچکلر اورتادایکن، قالخیب دا تورکه، تورک میللتینه 'سویقیریم' اتیکتینی یاپیشدیرابیلمزسینیز" دئدی.
جمهور باشقانی اردوغان،
"تاریخدهکی حادثهلرین آراشدیریلماسی و حقیقتلرین اورتایا چیخاریلماسی تاریخچیلره بوراخیلمالیدیر، سیاستچیلره دئییل. ایللردیر دیله گتیریلهن ارمنی ادعالاری قونوسوندا اورتاق بیر تاریخ کمیسیونو قورولماسی تکلیفیمیزه هله بیر جاواب آلابیلمهدیک" ایفادهلرینی ایشلتدی.