تورکیه، بایدنین سؤزده 'سویقیریم' ایفادهسینی لعنتلهدی
"تاریخی مؤوضوعلاردا حؤکم وئرمهیه نه حقوقاً نه اخلاقاً صلاحیتی اولان آمریکا باشقانینین آچیقلاماسینین، هئچ بیر دگری یوخدور"
تورکیه، آمریکا باشقانی جو بایدنین، ۱۹۱۵ حادثهلرینی سؤزده "سویقیریم" اولاراق تانیملاماسینی لعنتلهدیگینی بیلدیردی.
خاریجی ایشلر باخانلیغیندان وئریلن آچیقلامادا،
"آمریکا باشقانینین ۲۴ آوریل تاریخینده وئردیگی ۱۹۱۵ حادثهلرینه دایر آچیقلامانی قبول ائتمیر و ان شدتلی شکیلده تلعین ائدیریک" دئییلهرک،
"تاریخی مؤوضوعلاردا حؤکم وئرمهیه نه حقوقاً نه اخلاقاً صلاحیتی اولان آمریکا باشقانینین آچیقلاماسینین، هئچ بیر دگری یوخدور" ایفادهسی ایشلدیلدی.
"۱۹۱۵ حادثهلرینه باغلی اولاراق، اولوسلارآراسی حقوقدا تانیملانمیش اولان سویقیریم ایفادهسینین ایستیفاده ائدیله بیلمهسی اوچون لازیم اولان شرطلرین هئچ بیری مؤوجود دئییل" دئییلهن آچیقلامادا،
"بئله بیر توتوم، تاریخین یالنیز کوبودجا تحریف ائدیلمهسینه خیدمت ائدر. آوروپا اینسان حاقلاری محکمهسی، ۱۹۱۵ حادثهلرینین دارتیشمالی اؤزللیگینی آچیقجا ایفاده ائتمیشدیر. اؤته یاندان، تورکیهنین او دؤوره دایر بیلیمسل گئرچکلر ایشیغیندا عدالتلی بیر یادداشین یارادیلماسینا یؤنهلیک اولاراق ۲۰۰۵.جی ایلده وئردیگی 'اورتاق تاریخ کمیسیونو قورولماسی' تکلیفی ده، ارمنی طرفی بونا هئچ یاناشمامیش اولسا دا، بو گون هله ده گئچرلیلیگینی قوروماقدادیر".
آچیقلامادا، مدنیتلرین بئشیگی اولاراق آدلاندیریلان بیر جغرافیانین مرکزینده یئر آلان و یاشادیغی بوتون آجیلارا باخمایاراق اینسانلیغین باریش و دینجلیگی اوچون چابا صرف ائدن تورکیهنین، تاریخی ایله اوزلشمکدن هئچ بیر زامان قاچینمادیغی دا وورغولاناراق،
"(تورکیه) بو مؤوضوعدا آمریکا داخیل کیمسهدن درس آلاجاق دئییل" دئییلدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.