اردوغاندان عراقین قوزئییندهکی عملیاتلارا باغلی آچیقلاما
"نه تورکیهنین، نه سوریهنین، نه ده عراقین گلهجگینده بؤلوجو ترور هؤرگوتونه و تروریستلره یئر یوخدور"
پرزیدنت رجب طیب اردوغان عراقین قوزئیینده بؤلوجو ترور هؤرگوتو پکاکایا قارشی گئچیریلهن "پنجه-شیمشک" و "پنجه-ایلدیریم" عملیاتلاری ایله باغلی:"مقصدیمیز گونئی سرحدیمیزده یارادیلماغا چالیشیلان ترور وارلیغینی آرادان قالدیرماقدیر. نه تورکیهنین، نه سوریهنین، نه ده عراقین گلهجگینده بؤلوجو ترور هؤرگوتونه و تروریستلره یئر یوخدور. تروریستلرین تامامینی محو ائدنه دک موباریزهمیزی داوام ائتدیرهجییک" دئدی.
رجب طیب اردوغان "پنجه-شیمشک" و "پنجه-ایلدیریم" عملیاتلارینین ایداره ائدیلدیگی مرکزدهکی عسگرلره ویدئوکنفرانس واسطهسی ایله سسلندی.
اردوغان،
"سیغیناجاق و ماغارالارین وورولدوغو عملیاتلار نتیجهسینده ایندیه دک چوخ ساییدا تروریست ضررسیزلشدیریلدی. تروریستلری محو ائتمک مسئلهسینده قرارلیییق. عملیاتلار عراقین تورپاق بوتؤولویونه سایغی چرچیوهسینده حیاتا گئچیریلیر. عملیاتلار بؤلگهده باریشین تامین ائدیلمهسینه اؤنملی قاتقیلار وئرهجک" دئیه دانیشدی.