حالاچاوغلو: ارمنی مسئلهسی تورکیهیه قارشی حربه اولاراق قوللانیلیر
"باشدا آمریکا اولماق اوزره اینگیلتره، فرانسا، آلمانیا، میللتلر جمعیتی آرشیوی، روسیا و ایران آرشیولرینین بوتونونو باشدان آشاغییا اینجهلهدیک"
تورک تاریخ قورومونون اسکی باشقانی پروفسور دکتر یوسف حالاچاوغلو، ۱۹۱۵ اولایلاری ادعالارینین گئرچگی عکس ائتدیرمهدیگینین خاریجی قایناقلی سندلرده ده آچیقجا یئر آلدیغینی سؤیلهدی.
یوسف حالاچاوغلو، تراکیا اونیوئرسیتهسی طرفیندن آنلاین اولاراق تشکیل ائدیلهن "ارمنی ادعالاری و تاریخی گئرچکلر" پانئلینده، ارمنی ادعالارینین تاریخی سندلرله یالانلاندیغینی ایفاده ائتدی.
حالاچاوغلو، گئچمیشدن بو یانا ارمنیلرین، بیلیمسل آراشدیرمالاری بیر کنارا بوراخیب، باتیلی دؤولتلرین یؤنلندیرمهسی ایله ادعالارینی گوندمده توتدوغونو ایفاده ائتدی.
حالاچاوغلو، ارمنی مسئلهسینین حله قوووشماسینی آمریکا و باتیلی اؤلکهلرین ایستمهدیگینی، اولایلارین تورکیهیه قارشی حربه اولاراق ایستیفاده ائدیلمهیه چالیشیلدیغینی دیله گتیردی.
تورک تاریخ قورومونون آیرینتیلی آراشدیرمالار و آرشیو چالیشمالاری ایله گئرچکلری سندلریله اورتایا قویدوغونو ایفاده ائدن حالاچاوغلو،
"باشدا آمریکا اولماق اوزره اینگیلتره، فرانسا، آلمانیا، میللتلر جمعیتی آرشیوی، روسیا و ایران آرشیولرینین بوتونونو باشدان آشاغییا اینجهلهدیک. ۱۰۰ مین صحیفهدن چوخ سند ییغدیق بو بؤلگهلردن. الده ائتدیگیمیز نتیجهلر هئچ ده ادعا ائدیلدیگی کیمی ارمنیلرین قتل ائدیلمیش اولدوغونو اورتایا قویموردو و یا دؤولت الی ایله بونون ائدیلدیگینی اورتایا قویموردو. عثمانلی یئتکیلیلری، یوللاردا ارمنیلره هوجوم ائدن، ماللارینی غصب ائدن و اونلاری قتل ائدنلری ده جزالاندیرمیشدیر. ۱۹۱۵ده مین ۶۷۳ نفر محکمهیه وئریلمیشدیر" دئدی.
حالاچاوغلو، ۱۹۱۴ ایله ۱۹۲۲ آراسیندا ۵۱۸ مین مسلمان تورکون، ارمنی چتهلر طرفیندن اؤلدورولدوگونو و هامیسینین سندلرله اورتایا قویولدوغونو سؤزلرینه علاوه ائتدی.