"۱۹۱۵ حادثهلرینه باغلی ارمنیلرین ادعالاری یالاندیر"
"تورکیه اونلارا، گلین بورادا هر شئی آچیق، هر شئی اورتادا دئیه چاغیریش ائدیر اما اونلار بونا یاناشمیر"
گورجوستان سیاست بیلیمی و اولوسلارآراسی ایلیشکیلر آکادمیسی باشقانی سیمون کوپادزه، ۱۹۱۵ حادثهلرینه باغلی ارمنیلرین ادعالارینین یالان اولدوغونو و گورجوستان دؤولتینین ده بو ادعالاری تانیماماقلا دوغرو قرار وئردیگینی سؤیلهدی.
ارمنی توپلومونون بوندان ۱۰۶ ایل اؤنجه یاشانان اولایلارا باغلی ادعالارینین دوغرو اولمادیغینی، تاریخی آرشیولرینده بو گلشمهلری آراشدیرماقدان قاچدیقلارینی ایفاده ائدن کوپادزه،
"تورکیه حکومتینین دفعهلرله چاغیریش ائتمهسینه باخمایاراق ارمنیلر آرشیولری آراشدیرماقدان قاچیر. تورکیه اونلارا، گلین بورادا هر شئی آچیق، هر شئی اورتادا دئیه چاغیریش ائدیر اما اونلار بونا یاناشمیر" دئدی.
ارمنی طرفینه تاریخی آرشیولری آراشدیرماسی چاغیریشی ائدن کوپادزه،
"جمهورباشقانی رجب طیب اردوغان، آرشیولرین هر کس اوچون آچیق اولدوغونو دفعهلرله سؤیلهدی. بیر چوخ آمریکالی آراشدیرماچی مؤوضوع اوزرینده چالیشدی و مؤوضوع ایله باغلی بیر نئچه کیتاب دا باسیلدی اما ارمنی دیاسپورو طرفیندن بؤیوک تپکی ایله قارشیلاندی، بعضی متنلر و آراشدیرمالار انگللندی" دئیه دانیشدی.
۲۹ ایلدیر ارمنی داشناکلارین اورتا آسیا، قافقازلار، آنادولو و دونیانین دیگر بؤلگهلریندهکی فعالیتلرینی آراشدیران و بونون اوزرینه ۸ کیتاب، ۴ بلگهسل و چوخ ساییدا مقاله یازان اؤزبک تاریخچی، آراشدیرماچی یازار شؤهرت بارلاس دا دونیانین بیر چوخ اؤلکهسیندهکی کیتابخانالاردا ارمنی ادعالارییلا باغلی آرشیو سندلرینی آراشدیردیغینی، هئچ بیر کیتابخانا آرشیوینده ارمنی ادعالارینی تصدیقلهیهجک بیر دلیله راست گلمهدیگینی ایفاده ائتدی.