اولوسال اگمنلیک و اوشاق بایرامی قوتلو اولسون

۲۳ آوریل ۱۹۲۰ تورکیه‌نین بیرینجی بؤیوک میللت مجلیسینین یاراندیغی و تورک خالقینین اگمنلیگینی اعلان ائتدیگی تاریخ‌دیر

1626986
اولوسال اگمنلیک و اوشاق بایرامی قوتلو اولسون
23 Nisan
mustafa sentop.jpg
kilicdaroglu.jpg
devlet bahceli.jpg

تورکیه‌ده ۲۳ آوریل، اولوسال اگمن‌لیک و اوشاق بایرامی قوتلانیر. ۲۳ آوریل ۱۹۲۰ تورکیه‌نین بیرینجی بؤیوک میللت مجلیسینین یاراندیغی و تورک خالقینین اگمنلیگینی اعلان ائتدیگی تاریخ‌دیر.
بو موناسیبتله تورکیه بؤیوک میللت مجلیسی باشقانی مصطفی شن‌توپون رهبرلیگی ایله رسمی هئیت تورکیه جمهوریتینین قوروجوسو مصطفی کمال آتاتورکون مزارینی زیارت ائتدیلر.
آنیدقبیر اؤنونه چلنگ قویولدو، میللی مارش سسلندیریلدی، پارلمان باشقانی آنی دفترینه اورک سؤزلرینی یازدی.
زیارت‌ده عالی وظیفه‌لی شخصلر، حکومت عضولری، سیاسی پارتی رهبرلری ایشتیراک ائتدیلر.
"بو موناسیبتله جمهوریتیمیزین قوروجوسو غازی مصطفی کمال آتاتورک و سلاحداشلارینی ایلک مجلیسیمیزدن اعتباراً غازی مجلیسیمیزده خیدمت گؤسترمیش بوتون میللت وکیللریمیزی، ایستیقلال مارشینین قبول ائدیلمه‌سینین ۱۰۰.جو ایل‌دؤنومو موناسیبتیله اؤزللیکله میللی شاعریمیز محمد عاکیفی قورتولوش ساواشیندا شهید اولانلاری رحمتله و مینتدارلیقلا یاد ائدیره‌م".
جمهوریت خالق پارتیسی باشقانی کمال قیلیچداراوغلو ۲۳ آوربل اوشاق بایرامی موناسیبتیله اوشاقلارلا آنلاین اولاراق بیر آرایا گلدی.
کمال قیلیچداراوغلو تورکیه‌ده‌کی و یورددیشیندا‌کی اوشاقلارلا گؤروشونون ویدئوسونو سوسیال مئدیا حسابین‌دان پایلاشدی.
میللیت‌چی حرکت پارتیسی باشقانی دؤولت باغچالی دا توئیتر حسابین‌دا یاییملادیغی مئساژدا ۲۳ آوریل میللی اگمن‌لیک و اوشاق بایرامی موناسیبتیله تبریک ائتدی.
دؤولت باغچه‌لی مئساژین‌دا تورکیه بؤیوک میللت مجلیسینین ایلک باشقانی غازی مصطفی کمال آتاتورکه، ایلک مجلیسین سایغی‌دگر میللت وکیللرینه، دونیاسینی دییشه‌ن بوتون میللت وکیللرینه و عزیز شهیدلریمیزه الله‌دان رحمت دیله‌ییرم، حاضردا حیات‌دا اولان گئچمیش و یئنی میللت وکیللرینه اوزون عؤمور دیله‌ییرم" دئیه یازدی.



ایلگیلی‌لی خبرلر