"تورکم دئییرسه تورکدور، بونو بئله قبول ائتمک مجبوریتینده‌سینیز"
باخان چاووش‌اوغلو، رسمی گؤروشمه‌لر اوچون باشکند آنکارادا اولان یونان قونومداشی نیکوس دندیاس ایله اورتاق مطبوعات کنفرانسی تشکیل ائتدی
خاریجی ایشلر باخانی مؤولود چاووش‌اوغلو،
"تورکیه اؤز خالقی و قیبریس تورک خالقینین حاقلارینی قوروماغا مقتدیردیر" دئدی.
باخان چاووش‌اوغلو، رسمی گؤروشمه‌لر اوچون باشکند آنکارادا اولان یونان قونومداشی نیکوس دندیاس ایله اورتاق مطبوعات کنفرانسی تشکیل ائتدی.
تورکیه - یونانیستان ایلیشکی‌لرین‌ده، اولدو بیتدی و تحریک ایچرن ایفاده‌لردن اوزاق دورولماسی چاغیریشی ائد‌ن چاووش‌اوغلو،
"یونانیستان ایله مؤوجود پروبلئملرین مثبت دیالوگ یولویلا حل ائدیله‌بیله‌جگینه اینانیریق" دئیه دانیشدی.
"باتی تراکیا تورکلری، تورکم دئییرسه تورکدور. بونو بئله قبول ائتمک مجبوریتینده‌سینیز" دئیه‌ن خاریجی ایشلر باخانی، هر ایکی اؤلکه ایچین‌ده‌کی آزلیقلارین دینجلیک ایچین‌ده اولماسینین، ایلیشکی‌لره مثبت یانسیمالاری اولاجاغینی وورغولادی.
چاووش‌اوغلو، تورکیه‌نین، دوغو آغ‌دنیزده اؤز تعیین ائتدیگی و بیرلشمیش میللتلرده ثبت ائتدیردیگی شلف/فلات قاره ایچین‌ده فعالیتلرینی داوام ائتدیردیگینی وورغولادی.
تورکیه‌نین بو گونه قدر تورکیه‌نی دیشلایان و قیبریس تورک خالقینین حاقلارینی یوخ سایان آددیملارا قارشی نه ائده‌بیله‌جگینی گؤستردیگینی وورغولایان چاووش‌اوغلو،
"تورکیه اؤز خالقی و قیبریس تورک خالقینین حاقلارینی قوروماغا مقتدیردیر" دئدی.
قوناق باخان ایله ترورلا موباریزه قونوسونو دا صمیمی شکیل‌ده اله آلدیقلارینی ایفاده ائد‌ن چاووش‌اوغلو،
"اؤزللیکله فئتؤ، پ‌کاکا، دح‌کاپ-ج کیمی هؤرگوتلرله موباریزه‌میزده داها تأثیرلی بیر امکداش‌لیق گؤرمک آرزوموزدور" دئیه دانیشدی.
قوناق باخان نیکوس دندیاس ایسه تورکیه ایله اقتصاد ساحه‌سین‌ده مثبت گوند‌م اولوشدورابیله‌جکلرینی سؤیله‌دی.
اؤلکه‌سینین، تورکیه‌نین آوروپا بیرلیگی عضولویونو دستکله‌دیگینی بیلدیرن دندیاس، (تورک وطنداشلادینا آوروپا بیرلیگینده) ویزا سربستلیگی کیمی قونولاری اله آلماغا حاضر اولدوقلارینی آچیقلادی.
دندیاس، مؤولود چاووش‌اوغلو ایله باش-باشا گؤروشمه‌سین‌دن اؤنجه، جمهورباشقانی رجب طیب اردوغان طرفیندن قبول ائدیلمیشدی.
