اردوغان: خاریجی ایشلر باخانیمیز اونا حدینی بیلدیردی
"دندیاس ایله خاریجی ایشلر باخانیمیزین ائتدیکلری گؤروشمهده تأسف کی، ایش چوخ فرقلی بیر یئره گئتدی"
جمهورباشقانی رجب طیب اردوغان، خاریجی ایشلر باخانی مؤولود چاووشاوغلونون یونانیستان خاریجی ایشلر باخانی نیکوس دندیاسین اتهاملارینا قارشی جاوابلارینا باغلی،
"خاریجی ایشلر باخانیمیز، دندیاسین بو داورانیشلاری، توتومو قارشیسیندا اونا حدینی بیلدیردی. داها یومشاق دا اولا بیلمزدی" دئدی.
دونن، دندیاسین باشکند آنکارادا چاووشاوغلو ایله تشکیل ائدیگی اورتاق مطبوعات کنفرانسیندا صرف ائتدیگی سؤزلره توخونان اردوغان،
"دندیاس ایله خاریجی ایشلر باخانیمیزین ائتدیکلری گؤروشمهده تأسف کی، ایش چوخ فرقلی بیر یئره گئتدی. خاریجی ایشلر باخانیمیز دندیاسین بو داورانیشلاری، توتومو قارشیسیندا اونا حدینی بیلدیردی. داها یومشاق دا اولا بیلمزدی. اونسوز دا میللت اولاراق اؤلکه اولاراق بیزه یاراشمازدی. لازیم اولان دگرلندیرمهنی ائتمیش ایشی بیتیرمیش اولدولار" شکلینده دانیشدی.
دندیاسین داورانیشینی دوغرو گؤرومهدیکلرینی ایفاده ائدن اردوغان،
(دندیاسی قبول سیراسیندا) تورکیه ایله یونانیستان آراسیندا بیر اویوم سورهجی اولسون، باشقالارینی آرامیزا سوخمایاق شکلینده اونا دا سؤیلهدیم" دئدی.
یونان حکومتینین باتی تراکیادا باشموفتونو هله اؤزونون تعیین ائتدیگینه ایشاره ائدن اردوغان،
"اوراداکی باشموفتونو آتاما حاقینیز (۱۹۲۳) لوزان آنلاشماسینا گؤره یوخ. بیز (اؤلکهمیزده) پاتریکی تعیین ائتمیریک. یونانیستانداکی موفتولریمیزه ایماملاریمیزا اؤز مامورویموش اؤز دین گؤرهولیسیمیش کیمی بونلاری آتاما یولونا گئدیر. بونلار اولوسلارآراسی حقوقا دا ضد. آرامیزداکی ایلیشکیلرین زدهلنمهسینه ده سبب اولور. آنجاق هئچ بیر نتیجه آلابیلمهدیک بوندان سونرا آلاریق دئدیک اما بونلاردا ائله بیر هاوا یوخ" ایفادهلرینی ایشلتدی.
چاووشاوغلو، دونن آنکارادا اولان یونان قونومداشی نیکول دندیاس ایله تشکیل ائتدیگی مطبوعات کنفرانسیندا، دایاناقسیز اتهاملارلا دانیشان قوناق باخانا "بو ایلک گؤروشمهنین بیز داها مثبت بیر آتموسفرده داوام ائتمهسینی آرزو ائدیردیک آنجاق نیکوس دندیاس دانیشماسیندا تأسف کی، اؤلکهمه قارشی سون درجه قبول ائدیلهبیلمز اتهاملار دیله گتیردی. اؤنجه تورکیهنین یونانیستانین اگمنلیک حاقلارینی پوزدوغونو سؤیلهدی. بونو قبول ائتمهمیز مومکون دئییل. تورکیه جمهوریتی اؤز حاقلارینی، اؤزللیکله دوغو آغ دنیزده و قیبریس تورک حاقلارینی قوروماغا مقتدیردیر و آتدیغیمیز آددیملار دا حاقلاریمیزی قوروماق اوچوندور...بورا گلیب تورکیهنی سوچلارسا، من ده بونلارین جاوابینی وئرمک دوروموندا قالارام. آیریجا، تورکیهده بیز، روم اورتودوکس آزینلیغی روم اورتودوکس اولاراق قبول ائدیریک اما سیز 'من تورکم' دئیهن تورکلره 'یوخ سن تورک دئییلسهن، یالنیز مسلمانسان' دئمهنیز ده نه اینسانیدیر نه ده اولوسلارآراسی حقوقا اویغوندور" دئیه جاواب وئرمیشدی.
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب