اردوغاندان گؤندمه دایر دگرلندیرمهلر
«قراریمیزی وئردیک. گیرریک و گیردیگیمیز کیمی ده چیخاریق»
پرزیدنت رجب طیب اردوغان، می-ژوئن آیلاری کیمی یئنی نسیل کوروناویروس (کووید-۱۹) آشیلاما پروسهسینی سونا چاتدیراماغی و یای آیلارینا راحاتلیق ایچینده گیرمهیی اوم.د ائتدیکلرینی سؤیلهدی.
پرزیدنت اردوغان ایستانبولدا ژورنالیستلرین سواللارینی جاوابلاندیردی.
آچیقلامالاریندا کووید-۱۹ خستهلیگینه قارشی داوام ائدن آشیلاما پروسهسینه توخونان اردوغان،
"اومود ائدیریک کی، بو ایش می و ژوئن آیلاریندا تاماملاناجاق" دئدی.
چیخیشیندا چیندن آلینان یئنی نسیل کوروناویروس (کووید-۱۹) آشیلارینا توخونان اردوغان، آلدیقلاری آشیلاردان باشقا دیگر آشیلرین تحویلینده گئجیکمه اولدوغونو، بونو چین طرفینه خاتیرلاتدیقلارینی بیلدیردی.
آلمانیادان ۱ میلیون ۴۰۰ مین واکسنین اللرینه چاتدیغینی وورغولایان اردوغان،
"بونون دا هامیسی ۱۰ میلیون اولاراق الیمیزه چاتاجاق. بو آرادا روسیا ایله ده دانیشیقلاریمیز داوام ائدیر. روسیادان گلهجک آشیلار بیزی راحاتلاداجاق. بو سورهج ایچریسینده واکسنی اینسانلاریمیز اوچون ان تأثیرلی قایناق اولاراق گؤروروک. اؤز آشی چالیشمالاریمیز داوام ائدرکهن، یئرلی درمان چالیشمالاریمیز دا داوام ائدیر" دئیه دانیشدی.
گونئی قیبریس روم یؤنتیمینده اولان مسجیده ائدیلهن سالدیرینی دگرلندیرهن اردوغان،
"تأسف کی، روملار همیشه بئله شئیلر ائدیرلر. آوروپا بیرلیگی ذیروهسی دؤنمینده بونو ائتمک تحریکدن باشقا بیر شئی دئییل" دئدی.
اردوغان، تورکیهنین ایستانبول سؤزلشمهسیندن چکیلمهسینه دایر،
"جمهورباشقانلیغینین آتدیغی آددیم تامامیله قانونیدیر و بو آددیملا یولونا داوام ائدجکدیر. قراریمیزی وئردیک. گیرریک و گیردیگیمیز کیمی ده چیخاریق".