اردوغان: ۸۴ میلیون وطنداشی ایله تک میللت دئین بیر تورکیه وار
اردوغان، تورکیهنی داواملی اؤز ایچ سیخینتیلاری ایله مشغول ائدرک سون ایکی عصردیر کؤکلو دییشیملرین دیشیندا توتانلارین، یئنه عینی اویونو اوینادیقلارینی، آنجاق باشارابیلمهیهجکلرینی وورغولادی
جمهورباشقانی و عدالت و قالخینما پارتیسی باشقانی رجب طیب اردوغان، ۲۱.جی عصری و اؤتهسینی قوشاداجاق بؤیوک و گوجلو تورکیهنی اینشا ائتدیکلرینی سؤیلهدی.
اردوغان، باشکند آنکارادا آک پارتی ۷.جی عادی بؤیوک کنگرهسینده چیخیشیندا، تورکیهنی اؤنجه (جمهوریتین قورولوشونون ۱۰۰.جو ایلدؤنومو اولان) ۲۰۲۳ (ایلی) هدفلرینه، آردیندان ۲۰۵۳ ویزیونونا، (میللیتچی حرکت پارتیسی ایله قوردوقلاری) جمهور اتفاقی ایله قوووشدوراجاقلارینی ایفاده ائتدی.
تورکیه و تورک میللتینی داواملی اؤز ایچ سیخینتیلاری ایله مشغول ائدرک سون ایکی عصردیر کؤکلو دییشیملرین دیشیندا توتانلارین، یئنه عینی اویونو اوینادیقلارینی، آنجاق بو دفعه باشارابیلمهیهجکلرینی وورغولایان اردوغان،
"چونکو بو دفعه فرقلی بیر تورکیه وار. ۸۴ میلیون وطنداشی ایله، تک میللت دئین بیر تورکیه وار. بو دفعه، یالنیز الیندهکیلره صاحب چیخماقلا قالمایان یئنی کؤرهسل سیاسی و اقتصادی دوزهنده حاقلی یئرینی آلما عزمینی ۲۰۲۳ هدفلری ایله ۲۰۵۳ ویزیونو و ۲۰۷۱ ایدهآلی ایله گؤسترهن بیر تورکیه وار. سون ۸ ایلدهن بری قورولموش توزاقلاری بیر بیر ییخان تورکیه وار" دئیه دانیشدی.
۲۰۲۳ هدفلرینی یئنی بیر باشلانغیج حالینا گتیرهرک، ۲۱. عصری و و اؤتهسینی قوشاداجاق بؤیوک و گوجلو تورکیهنی اینشا ائتدیکلرینی سؤیلهین اردوغان، آک پارتینین تورکیهنی تحصیلدن ساغلیغا، صنایعدن ایدمانا یاتیریملارلا قالخیندیردیغینی ایضاح ائتدی.
اردوغان باشدا بؤلوجو پکاکا اولماقلا بوتون ترور هؤرگوتلرینی مغلوب ائدرک، اؤلکه سرحدلری ایچینده حرکت ائدهبیلمز حالا گتیردیکلرینی قید ائتدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.