چاووش‌اوغلو، بلینکن ایله گؤروشدو
خاریجی ایشلر باخانی: آمریکا قونومداشی ایله، فتؤ و پ‌کاکا سورونلاری ایله اس-۴۰۰ سیستمینی گؤروشدوک
تورکیه‌نین خاریجی ایشلر باخانی مؤولود چاووش‌اوغلو آمریکا خاریجی ایشلر باخانی آنتونی بلینکن ایله گؤروشدو.
بیلگیلره گؤره، گؤروشمه ناتونون بلژیکین باشکندی بروکسلده‌کی مرکزینده باش توتدو.
گؤروشمه‌دن سونرا آچیقلامالار وئرن مؤولود چاووش‌اوغلو: "تورکیه‌نین اس-۴۰۰ ساوونما سیستمینی آلدیغینی و بو ایشین بیتدیگینی بیر داها سؤیله‌دیک.متفیقلریمیزدن بو سیستمی آلا بیلمه‌دیگیمیزی بیلدیردیک" دئدی.
آنتونی بلینکن ایله یاپیجی بیر گؤروشمه گئچیردیکلرینی بیلدیرن مؤولود چاووش‌اوغلو، "بؤلوجو ترور هؤرگوتو پ‌کاکانین سون دؤنمده آرتان سالدیریلارینی دا خاطیرلاتدیق. سوریه قونوسونو مذاکیره ائتدیک.
مؤولود چاووش‌اوغلو آمریکا خارجی ایشلر باخانی ایله تورکیه یا دا آمریکادا داها گئنیش بیر توپلانتی گئچیریلمه‌سی قونوسوندا آنلاشما الده ائتدیکلرینی سؤیله‌دی.
مؤولود چاووش‌اوغلو افغانیستانلا باغلی کنفرانسین آوریل آیین‌دا گئچیرمک ایسته‌دیکلرینی ایفاد ائتدی.
تورکیه ایله آوروپا بیرلیگی آراسین‌داکی ایلیشکیلره ده توخونان مؤولود چاووش‌اوغلو:
"گؤمروک بیرلیگی یئنیلنمه‌لیدیر، ویزا رژیمی ساده‌لشدیریلمه‌لیدیر. قیبریسدا قالیجی حلین الده اولونماسی اوچون چابا گؤستریریک".
