تورکیه-اینگیلتره علاقهلرینده یئنی دؤور باشلاییر
اینگیلتره-نین آنکارا سفیری دومینیک شیلکوت تورکیه ایله اینگیلتره آراسیندا یاخین گلهجکده یئنی و داها احاتهلی بیر سربست تیجارت موقاویلهسی ایمضالاناجاغینی سؤیلهییب.
اینگیلتره-نین آنکارا سفیری دومینیک شیلکوت تورکیه ایله اینگیلتره آراسیندا یاخین گلهجکده یئنی و داها احاتهلی بیر سربست تیجارت موقاویلهسی ایمضالاناجاغینی سؤیلهییب.
تورکیه اتاق لار و بورسالار بیرلیگینین (TOBB) آنلاین "تورکیه-بیرلشمیش کراللیق سربست تیجارت سازیشی معلومات توپلانتیسی" تشکیل ائدیلیب. ییغینجاقدا دومینیک شیلکوت ایله یاناشی تورکیه اتاق لار و بورسالار باشقانی رفعت حصارجیکلیاوغلو ، اینگیلتره-نین آنکارا سفیرلیگینین تیجارت آتاشهسی دیوید مککین و ناظیرلیک نومایندهلری ایشتیراک ائدیب.
دومینیک شیلکوت آچیلیش نیتقینده "تورکیه-اینگیلتره موناسیبتلرینده یئنی بیر دؤور باشلانیر. دوشونورم کی، تورکیه-نین اینگیلتره ایله تیجارت علاقهلری یاخین ایللرده یئنی بیر سویهیه چیخا بیلر. اصلینده یاخین گلهجکده یئنی و داها احاتهلی بیر تیجارت موقاویلهسی ایمضالاناجاغینی دوشونورم" دئییب.
دسامبر آییندا ایکی اؤلکه آراسیندا ایمضالانان سربست تیجارت سازیشینه توخونان شیلکوت موقاویلهنین داها گوجلو، داها احاتهلی، داها درین تیجارت طرفداشلیغینین یارادیلماسینا کؤمک ائدجگینی سؤیلهییب.
آچیلیش نیتقیندن سونرا "تورکیه-بیرلشمیش کراللیق سربست تیجارت سازیشی" مؤوضوع سوندا پانل تشکیل ائدیلیب.
پانلده چیخیش ائدن اینگیلترهنین آنکارا سفیرلیگینین تیجارت آتاشهسی مککین ده تورکیه ایله اینگیلتره-نین قارشیلیقلی سرمایهلرینین آرتاراق داوام ائتدیگینی وورغولاییب.