تورکیه: عرب بیرلیگینین قرارلارینی رد ائدیریک
"تورکیه، ایلکهلی و عزملی توتومو ایله بؤلگهسینده و دونیادا گوونلیک، ثابیتلیک و دینجلیگین قورولماسی اوچون ان چوخ چابا گؤسترهن اؤلکهلردن بیریدیر"
تورکیه، عرب بیرلیگی خاریجی ایشلر باخانلاری شوراسی توپلانتیسیندا تورکیهیه قارشی چیخاریلان قرارلاری تامامیله رد ائتدیگینی بیلدیردی.
خاریجی ایشلر باخانلیغی طرفیندن وئریلهن یازیلی آچیقلامادا،
"عرب بیرلیگی خاریجی ایشلر باخانلاری شوراسینین ۳ مارس ۲۰۲۱ تاریخینده تشکی ائدیلن توپلانتیسیندا اؤلکهمیزه قارشی قبول ائدیلمیش اساسسیز قرارلاری تامامیله رد ائدیریک" ایفادهسی یئر آلدی.
آلینان قرارلارین عرب خالقلاری اوچون هئچ بیر معناسی اولمادیغی ایفاده ائدیلن آچیقلامادا،
"بعضی عرب لیگی اؤلکهلرینین ییخیجی فعالیتلرینی اؤرتمک آماجی ایله اؤلکهمیزه قارشی قالیبلاشمیش اتهاملارینی داوام ائتدیرمکده اصرارینین دوست و قارداش عرب خالقلاری یانیندا هئچ بیر معناسی اولمادیغینی اساساً عرب لیگی عضولری یاخشی بیلیرلر" دگرلندیرمهسی ائدیلدی.
بعضی عضولرین قبول ائدیلمیش قرارلارا اعتراض ائتدیکلری بیلدیریلن آچیقلامادا،
"عضو اؤلکهلر آراسیندا شفاف بیر مذاکره پروسهسی آپاریلمادان مختلیف دایرهلرین تلقین ائتمهسی نتیجهسینده قبول ائدیلهن بو جور قرارلارا بعضی عرب لیگی عضولرینین قارشی چیخدیغی گؤرولور" ایفادهسینه یئر وئریلدی.
"تورکیه، ایلکهلی و عزملی توتومو ایله بؤلگهسینده و دونیادا گوونلیک، ثابیتلیک و دینجلیگین قورولماسی اوچون ان چوخ چابا گؤسترهن اؤلکهلردن بیریدیر" دئیلن آچیقلامادا، تورکیهنین بؤلگهده ان اؤنملی اؤنجهلیکلریندن بیری عرب اؤلکهلرینین اگمنلیگی و تورپاق بوتؤولویو ایله سیاسی بیرلیکلرینین قورونماسی اولدوغو وورغولاندی.
آچیقلامادا آیریجا،
"عرب لیگینی اساسسیز ادعالارلا اؤلکهمیزی هدف آلماق یئرینه، عرب خالقلارینین دیینجلیک، اسنلیک و رفاهینا اؤنجهلیک وئرمهیه وئرمهیه، بؤلگهده گوونلیک و ثابیتلیگین قورولماسینا مثبت قاتقی وئرمهیه دعوت ائدیریک" ایفادهسی ایشلدیلدی.