شهیدلریمیز تؤره‌نله اوغورلاندی
"وطن اوغروندا بو مقاما چاتماق هر ایگیدین پایی دئییل"
بیتلیس‌ده میدانا گلن هلیکوپتر قضاسیندا شهید اولان ۱۱ عسگر اوچون باشکند آنکاراداکی احمد حمدی آک‌سئکی مسجیدین‌ده جنازه تؤره‌نی تشکیل ائدیلدی.
تؤره‌نده جمهورباشقانی رجب طیب اردوغان، تورکیه بؤیوک میلت مجلیسی باشقانی مصطفی شن‌توپ، جمهورباشقانی یاردیمچیسی فوات اوختای، جمهوریت خالق پارتیسی باشقانی کمال قیلیچداراوغلو، میلیت‌چی حرکت پارتیسی باشقانی دؤولت باغچه‌لی، میلی ساوونما باخانی حولوصی آخار، چئوره و شهرچیلیک باخانی مراد قوروم، باش قرارگاه باشقانی ژنرال یاشار گولر و گوج قوموتانلاری دا قاتیلدی.
پرزیدنت اردوغان، جنازه مراسیمین‌ده‌کی چیخیشین‌دا،
"اوردوموزا و میلتیمیزه ربیم‌دن صبر دیله‌ییرم. بیزیم شهیدلریمیزین تزکیه‌سینه احتیاجیمیز وار. اونلار بیزیم اوچون بیر یولچولوقدا ایدیلر. شهیدلیک بونلارین ان عالیسیدیر. اینشاالله ربیم بو مقامی بیزلره ده نصیب ائدر. دین اوغروندا، وطن اوغروندا بو مقاما چاتماق هر ایگیدین پایی دئییل. اومود ائدیره‌م ربیم بونو بیزلره ده نصیب ائدر" ایفاده‌لرینی ایشلتدی.
میلی ساوونما باخانلیغی، بین‌گؤل‌دن تاتوانا گئتمک اوچون دونن ساعات ۱۳.۵۵ده قالخان قورو قوشونلاری قوموتانلیغینا عاید کوگر تیپی دیک‌اوچار ایله ساعات ۱۴.۲۵دن اعتیباراً باغلانتینین کسیلدیگینی و بؤلگه‌ده باشلادیلان آختارما چالیشمالاری نتیجه‌سین‌ده دیک‌اوچارین قضایا اوغرادیغینین معین ائدیلدیگی بیلدیریلمیشدی.
ایلک آچیقلامادا ۹ پرسنلین شهید اولدوغو و ۴ پرسنلین یارالاندیغی ایفاده ائدیلمیشدی. داها سونرا یارالانان ۲ عسگرین بوتون مداخیله‌لره باخمایاراق قورتاریلابیلمه‌دیگی و شهید ساییسینین ۱۱ اولدوغو بیلگیسی پایلاشیلمیشدی.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
