هلیکوپتر قضاسی‌نین ایلکین سبب‌لری آچیقلانیب
حولوصی آکار تورکیه-نین دوغوسوندا یئرلشن بیتلیس شهرینده حربی هلیکوپترین قضایا اوغراماسی‌نین هاوا شرایطی‌نین آنی پیسلشمه‌سی ایله باغلی اولدوغونو بیلدیریب.
میللی ساوونما ناظیری حولوصی آکار تورکیه-نین دوغوسوندا یئرلشن بیتلیس شهرینده حربی هلیکوپترین قضایا اوغراماسی‌نین هاوا شرایطی‌نین آنی پیسلشمه‌سی ایله باغلی اولدوغونو بیلدیریب.
حولوصی آکار "ایلکین معلومات‌لارا و شاهید ایفاده‌لرینه گؤره، هلیکوپترین قضایا اوغراماسی آنی‌دن پیس‌لشن هاوا ایله علاقه‌داردیر" دئییب.
ناظیر فاکتلا باغلی ایستینتاق آراشدیرما‌لارینا باشلانیلاجاغینی قئید ائده‌رک، حادثه‌نین دقیق سببی‌نین اطراف‌لی آراشدیرما‌دان سونرا معینلشدیریله‌جگینی وورغولاییب.
حولوصی آکار فاجعه‌نین ایلک دقیقه‌لریندن اعتباراً ایلگیلی دؤولت قوروم‌لاری‌نین آختاریش و قورتارما ایشلری، اؤلن‌لرین و یارا‌لانان‌لارین جسدلری‌نین تخلیه‌سی اوچون بوتون قوه‌لری سفربر ائتدیگینی بیلدیریب.
قئید ائدک کی، میللی ساوونما ناظیری حولوصی آکار حربی هلیکوپترین قضایا اوغرادیغی بؤلگه‌یه گئده‌رک، حادثه‌نین تفرروات‌لاری ایله یئرینده تانیش اولوب. باش قرارگاه رئیسی ژنرال یاشار گولر و قورو قوشون‌لاری قوموتانی اومیت دوندار دا ناظیری موشاییت ائدیب.
مارسین 4-ده بینگؤل شهریندن قالخان "جاگوار" تیپ‌لی هلیکوپتر ایله علاقه یئرلی واختلا ساعات 14:25-ده کسیلیب. قضایا دوشن هلیکوپترده 11 حربچی شهید اولوب، 2 عسگر ایسه یارالانیب. یارا‌لی عسگرلر درحال خسته‌خانایا چاتدیریلیب.
