فوریه آییندا 126 ترورچو داها محو ائدیلیب

غیری معین هاوا شرایطینه باخمایاراق تهلوکه‌سیزلیک قوه لری فوریه آییندا دا بولوجو ترور تشکیلاتی ی.پ.گ/پ.کا.کا-یا آغیر ضربه لر ائندیریب.

تورکیه-نین باریش و تهلوکه‌سیزلیک محیطینی پوزماق اوچون سیویل لری، اوشاق‌لاری و کؤرپه لری هدف آلماغا جهد گؤسترن بولوجو ترور تشکیلاتی ی.پ.گ/پ.کا.کا-یا قارشی فوریه آییندا اؤلکه داخیلینده و سرحدن کناردا حیاتا کئچیریلن عملیات‌لار نتیجه سینده 126 ترورچو ضرسیزلشدیریلیب.

دیگر طرفدن 2021-جی ایلین 27 فوریه تاریخینه‌دک تهلوکه‌سیزلیک قوه لرینه تسلیم اولان ترورچولارین سایی 31-ا یوکسلیب.

تورکیه-نین ایچ ایشلر ناظیرلیگی طرفیندن ژانویه آییندا باشلادیلان "ارن" عملیات‌لاری دا داوام ائتدیریلیر.

بو چرچیوده فوریه آییندا بیتلیس، سیرت، تونجلی، حاتای، عثمانیه، غازی آنتپ، حکاری و شیرناک شهرلرینده یئنی عملیات‌لارا ایستارت وئریلیب.