تورکیه‌ده کورونایا باغلی آشامالی نورماللاشمانین آیرینتیلاری

 ۱ مارس‌دا تورکیه باخانلار قورولو جمهورباشقانی رجب طیب اردوغانین باشقانلیغیندا توپلاندی.
  جومهورباشکان‌لیغیندا گئچیریله‌ن توپلانتیدا «کووید-۱۹»لا مباریزه چرچیوه‌سین‌ده مرحله‌لی نورماللاشمانین آیرینتیلاری، اوز-اوزه تحصیل، رستوران و کافه‌لرین وضعیتی، کوچه‌یه چیخما قیسیدلاماسی، آشی سوره‌جی ایله باغلی یئنی قرارلار آچیقلاندی.
   پرزیدنت اردوغان ۲ مارس‌دان باشلایاراق کنتروللو نورماللاشمایا گئچیله‌جگینی بیان ائتدی. سالقین تدبیرلرینین تطبیقین‌دن تخمیناً بیر ایل گئچدیگینی خاطیرلادان اردوغان: «بوتون شهرلر ۴ ریسک قروپونا آیریلدی. بو کاتگوریلر هر هفته گؤزدن گئچیریله‌جک. تدبیرلرده خسته‌لیگین گئدیشینه گؤره، ۲ هفته‌ده بیر یئرلی قوراللار معین ائدیله‌جک».
  بئله‌لیکله،
هفته سونو کوچه‌یه چیخما قیسیدیلماسی آشاغی و اورتا ریسک‌لی بؤلگه‌لرده تامامیله قالدیریلدی.
یوکسک و چوخ یوکسک ریسک‌لی بؤلگه‌لرده بازار گونو محدودیتی قالدی.
اؤلکه‌نین هر یئرین‌ده اولان ۲۱.۰۰-۰۵.۰۰ کوچه‌یه چیخما قاداغاسی داوام ائد‌جک.
بوتون اوشاق باغچالاری، ایلک، اورتا و سون اوخوللارآچیلاجاق.
آشاغی و اورتا ریسک‌لی بؤلگه‌لرده اوخوللار مرحله‌لی شکیل‌ده آچیلاجاق.
یوکسک و چوخ یوکسک ریسک‌لی بؤلگه‌لرده یالنیز سون اوخوللاردا سیناولار اوز اوزه گئچیریله‌جک.
رستوران و کافه‌لر، چوخ یوکسک ریسک‌لی بؤلگه‌لردن باشقا، هر یئرده ساعات ۰۷.۰۰ – ۲۱.۰۰ آراسی اولماقلا مکانین ظرفیتینین یوزده ۵۰سی قدر اولماقلا چالیشاجاق.
ایدمان سالنلاری، اوزمه حووضلاری و بنزر یئرلر آشاغی و اورتا ریسک‌لی بؤلگه‌لرده ۰۹.۰۰ – ۱۹.۰۰ آراسی فعالیت گؤستره‌جک.
دؤولت قوروملاری چالیشما ساعاتلاری نورمالا دؤنه‌جک.
کوچه‌یه چیخما قاداغاسی ۶۵ یاش اوستو و ۲۰ یاش آلتی قروپ وطنداشلارین‌دا آشاغی و اورتا ریسک‌لی بؤلگه‌لرده قالدیریلدی.
نیکاح مراسیملری و تویلار آشاغی و اورتا ریسک‌لی بؤلگه‌لرده ۱۰۰، یوکسک ریسک‌لی بؤلگه‌لرده ۵۰ نفرلیک اولماقلا گئچیریله‌جک.
اجتماعی-مد‌نی تدبیرلر ۳۰۰ نفری گئچمه‌یه‌جک شکیل‌ده تشکیل اولونابیله‌جک.