اینترپل طرفیندن آختاریلان قادین آنکارادا یاخالاندی

تورک پلیسی، اینترپل طرفین‌دن  قیرمیزی اعلانلا آختاریلان فرانسالی ساراه طالبین آنکارادا اولدوغونو معین ائتدی

1588889
اینترپل طرفیندن آختاریلان قادین آنکارادا یاخالاندی

ترور هؤرگوتو داعش عضوو اولدوغو سببیله اولوسلارآراسی پلیس تشکیلاتی (اینترپل) طرفین‌دن قیرمیزی اعلانلا آختاریلان فرانسا وطنداشی قادین، باشکند آنکارادا پلیس اکیپلری طرفین‌دن گؤز آلتینا آلیندی.

آنکارا امنیت مودورلوگو ترورلا مباریزه استخبارات شعبه‌سی اکیپلری، یئریتذیکلری آراشدیرمالاردا اؤلکه‌سین‌دن آیریلاراق داعشه قوشولماق و اینترپل طرفین‌دن  قیرمیزی اعلانلا آختاریلان فرانسالی ساراه طالبین آنکارادا اولدوغونو معین ائتدی.

ائدیلن تعقیب‌ ایله، طالبین اؤلکه‌سینه قاییتماق اوچون فرانسا ائلچیلیگینه گئتمه‌یه چالیشدیغی معین اولدو. حرکته گئچن اکیپلر، ساراه طالبی ائلچیلیگه ۲۰۰ متر مسافه‌ده یاخالایاراق گؤز آلتینا آلدی.

ترورلا مباریزه شعبه مودورلوگونه آپاریلان طالب، ایشلم‌لر‌دن سونرا سینیردیشی ائدیله‌جک.



ایلگیلی‌لی خبرلر