اردوغان: دونیادا ان باشاریلی واکسیناسیون ایشینی یئریدن اؤلکه تورکیهدیر
"اؤلکهده ایندییه قدر آشی اولونانلارین ساییی ۷ میلیون یاریما چاتدی، آشیلاما جدی و قرارلی شکیلده داوام ائتدیریلیر"
پرزیدنت رجب طیب اردوغان، حاضردا دونیادا ان اوغورلو آشیلاما یئریدن اؤلکهنین تورکیه اولدوغونو بیلدیردی.
جمهورباشقانی اردوغان آنکارا والیلیگی ائییتیم تاسیسلرینین آچیلیش مراسیمینده دانیشدی.
دانیشماسیندا "کووید-۱۹" سالقینی ایله ائییتیم-اؤیرتیمده دیجیتاللاشمانین هر زامانکیندان داها چوخ اولدوغونو ایفاده ائدن اردوغان "اوزاقدان ائییتیمه باشلادیغیمیز ۲۳ مارس ۲۰۲۰دن بو یانا ۱۸۰ میلیونا یاخین جانلی درس وئریلمیشدیر" ایفادهسینی ایشلتدی.
اردوغان، "کووید-۱۹" ایله مباریزهده "حاضردا دونیادا ان باشاریلی واکسیناسیون ایشینی یئریدن اؤلکه تورکیهدیر» دئدی.
"کوروناویروسا یولوخما ساییسینین آزالماسی یولوندا قارشیداکی دؤورده یئنی آددیملار آتماغا داوام ائدجییک" دئیه وورغولایان جمهورباشقانی بئله داوام ائتدی: "یئنی تدبیرلر ده گؤروروک، راحتلاما اولسا بونون عهدهسیندن گلهبیلمریک. اؤلکهده ایندییه قدر آشی اولونانلارین ساییی ۷ میلیون یاریما چاتدی. آشیلاما جدی و قرارلی شکیلده داوام ائتدیریلیر".
پرزیدنت اردوغان اوز-اوزه تحصیل حاقیندا ایسه، "اؤیرنجیلریمیزی و اؤیرتمنلریمیزی ان قیسا مدتده بیر آرایا گتیرمک اوچون چوخ چابا گؤستریریک" دئدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.