چاووش‌اوغلو: الیمیزدن گله‌نی ائتمه‌یه حاضیریق

خاریجی ایشلر باخانی مؤولود چاووش‌اوغلو، تورکمنیستان گازینین تورکیه‌یه گلمه‌سی و تورکیه اوزرین‌دن آوروپایا چاتماسی اوچون اللریندن گله‌نی ائتمه‌یه حاضیر اولدوقلارینی سؤیله‌دی.

چاووش‌اوغلو و تورکمنیستان خاریجی ایشلر باخانی راشید مَرَدوو، باش باشا و هیئتلر آراسی گؤروشمه‌لرین آردیندان خاریجی ایشلر باخانلیغیندا اورتاق باسین توپلانتسی تشکیل ائتدیلر.

 باش-باشا و هئیتلری آراسی گؤروشمه‌لرده ایکی اؤلکه‌نین هانسی ساحه‌لرده هانسی آددیملاری آتاجاغینی مذاکیره ائتدیکلرینی بیلدیرن چاووش‌اوغلو، حاضرلاناجاق یول خریطه‌سینین گؤزدن گئچیریلدیگینی وورغولادی.

تورک شیرکتلرینین بؤلگه‌ده امکداشلیغا حاضر اولدوقلارینا دقت چکه‌ن چاووش‌اوغلو،

"تورکمن گازینین تورکیه‌یه گلمه‌سی و تورکیه اوزرین‌دن آوروپایا چاتماسی اوچون اللریندن گله‌نی ائتمه‌یه حاضیریق" دئدی.

مَرَدوو دا گؤروشمه‌ده ایکی‌لی تیجارت و اقتصادی ایلیشکی‌لرین ده دگرلندیریلدیگینه دقت چئکرک،

"انرژی، نقلیات، یوکسک تکنولوژیلر و باشقا قونولاردا بیرلیک‌ده پروژه‌لر یئریده‌بیلریک. بیز اؤز طرفلریمیزده پلانلاری، پروگراملاری حاضیرلایب تورکیه‌لی آرخاداشلاریمیزا تکلیف ائده‌جییک" دئدی.