تورکیه نیجر خالقینا باش ساغلیغی وئریب
تورکیه نیجر-ده موستقیل میللی سئچکی کمیسیونونا مخصوص اتومبیلین پارتلاماسی نتیجهسینده حیاتینی ایتیرنلر اوچون باش ساغلیغی وئریب.
تورکیه نیجر-ده موستقیل میللی سئچکی کمیسیونونا مخصوص اتومبیلین پارتلاماسی نتیجهسینده حیاتینی ایتیرنلر اوچون باش ساغلیغی وئریب.
خاریجی ایشلر ناظیرلیگینین آچیقلاماسیندا نیجر-ده کئچیریلن پرزیدنت سئچکیلرینین ایکینجی توروندا وظیفه ایجرا ائدن موستقیل میللی سئچکی کمیسیونا عایید بیر اتومبیلین دونن تیللابری بؤلگهسینده مینین اوزریندن کئچمهسی نتیجهسینده باش وئرن پارتلاییشدا سئچکی منطقهسینده وظیفهلی 7 ایشچینین حیاتینی ایتیرمهسینین و 3 نفرین آغیر یارالانماسینین درین تأسف حیسی ایله اؤیرنیلدیگی بیلدیریلیب.
آچیقلامادا "دوست و قارداش نیگئر خالقینین و حکومتینین آجیسینی پایلاشیر، حیاتینی ایتیرنلره اللهدان رحمت و یاخینلارینا باش ساغلیغی دیلییریک" ایفادهسی یئر آلیب.
یئرلی مئدیادا یئر آلان خبرلره گؤره، اؤلکهنین باتی سیندا یئرلشن تیللابری بؤلگهسیندکی دارقول موضعینده سئچکی کمیسیون عضولرینی داشییان نقلیات واسیطهسی کئچرکن یولدا یئرلشدیریلمیش مین لرین پارتلاماسی نتیجهسینده 7 نفر هلاک اولموش، 3 نفر ایسه یارالانمیشدیر.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.