آکار: "ترورلا موباریزه‌ده متفیق‌لرین بیرلیک و همری‌لیک گؤسترمه‌سی واجیب‌دیر"

میللی ساوونما ناظیری حولوصی آکار ناتو-یا عضو دؤولت‌لرین ساوونما ناظیرلرینین توپلانتی‌سینی قیمتلندیریب.

1586825
آکار: "ترورلا موباریزه‌ده متفیق‌لرین بیرلیک و همری‌لیک گؤسترمه‌سی واجیب‌دیر"

 

"ترورلا موباریزه‌ده متفیق‌لرین بیرلیک و برابرلیک ایچینده حرکت ائتمه‌سی‌نین واجیب‌لیگینی وورغولادیق".

بونو میللی ساوونما ناظیری حولوصی آکار ناتو-یا عضو دؤولت‌لرین ساوونما ناظیرلرینین توپلانتی‌سینی قیمتلندیررکن دئییب.

ویدئوکنفرانس مئتودو ایله ایکی گون تورکیه-نی ناتو-یا عضو دؤولت‌لرین ساوونما ناظیرلرینین ییغینجاغیندا تمثیل ائدن ناظیر حولوصی آکار "اؤلکه‌میزه قارشی لیسانس محدودلاشدیریلماسی، تحریم جهدلری و تهدیدلرین اتفاقین گوجونو ضعیفلتدیگینی آچیق شکیلده متفیق‌لریمیزین دقتینه چاتدیردیق" دئیه بیلدیریب.

"متفیق‌لر گوجلو اولاجاغی تقدیرده اتفاقین دا گوجلو اولاجاغینی ایفاده ائتدیک. متفیق‌لرین ترورلا موباریزه‌ده بیرلیک و همری‌لیک گؤسترمه‌سی‌نین واجیب‌لیگینی وورغولادیق. ناتو-دا عضو‌لوگونون 69-جو ایلدؤنومونو قئید ائدن تورکیه-‌نین اتفاق داکی عهده لیک لرینی تام شکیلده یئرینه یئتیرمه‌یه و اتفاقدا فعال رول اویناماغا داوام ائدجگینی ده دیله گتیردیک" -دئیه ناظیر آکار وورغولاییب.

 



ایلگیلی‌لی خبرلر