پ‌کاکا طرفین‌دن شهید ائدیلن ۱۳ تورک وطنداشی اوچون باشساغلیغی
"عراقین قوزئیینده‌کی ترور ائیلملرین‌ده حیاتینی ایتیره‌ن تورک وطنداشلارینین عائله‌لرینه درین حوزنله باشساغلیغی وئریرم"
سوئد خاریجی ایشلر باخانی آن لینده، عراقین غارا بؤلگه‌سین‌ده بؤلوجو ترور هؤرگوتو پ‌کاکا طرفین‌دن شهید ائدیلن ۱۳ تورک وطنداشی اوچون باشساغلیغی وئردی.
آن لینده تویتر حسابین‌داکی پایلاشیمیندا
"عراقین قوزئیینده‌کی ترور ائیلملرین‌ده حیاتینی ایتیره‌ن تورک وطنداشلارینین عائله‌لرینه درین حوزنله باشساغلیغی وئریرم. تورک خالقی ایله دایانیشما ایچینده‌ییک" ایفاده‌لرینی ایشلتدی.
خاین ترورا بیر قینانما دا اوکراینادان گلدی.
اوکراینا خاریجی ایشلر باخانلیغینین تویتر حسابین‌دا تورکجه یازیلان مئساژدا،عراق‌دا تورک وطنداشلارینین شهید ائدیلمه‌سی خبرینین درین کدرله اؤیرنیلدیگی ایفاده ائدیلدی.
دوست تورک خالقینا و حیاتینی ایتیره‌نلرین عائله‌لرینه و یاخینلارینا صمیمی باشساغلیغی وئریلدیگی پایلاشیم‌دا،
"سلاح‌سیز اینسانلارین قاتیللری ان سرت قیناغا لایق‌دیر" ایفاده‌لری یئر آلدی.
روسیا و دانمارکین آنکاراداکی ائلچیلیکلری ده ۱۳ شهید اوچون باشساغلیغی وئردی.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
