اردوغان: گیردیکلری هینلرده اونلاری تاپاجاق و گبردهجهییک
"عملیاتلاریمیزی قارشیدان گلن دؤورده تهدیدلرین هله ده چوخ اولدوغو بؤلگهلره طرف گئنیشلندیرهجییک"
پرزیدنت رجب طیب اردوغان بؤلوجو ترور هؤرگوتو پکاکا طرفیندن عراقین قوزئییندهکی غارا بؤلگهسینده ۱۳ تورکیه وطنداشینین اؤلدورولمهسی ایله باغلی، "۱۳ گناهسیزین قتله یئتیریلمهسی حادثهسینده بیر نئچه ضعیف اعتراضدان باشقا هئچ کیمی گؤرهبیلمهدیک. ای باتی! هارداسینیز؟" دئیه سوروشدو.
جمهورباشقانی و عدالت و قالخینما پارتیسینین (آک پارتی) باشقانی اردوغان پارتیسینین ترابزون شهریندهکی کنگرهسینده، “قارشیدان گلن دؤورده ایرلیلهییش الده ائتدیگیمیز عملیاتلاریمیزی تهدیدلرین هله ده چوخ اولدوغو بؤلگهلره دوغرو گئنیشلهدجییک. بو سون حادثه تورکیهنین پکاکا ترور هؤرگوتونه قارشی مباریزه اوچون عراقین قوزئیینده و سوریهده حیاتا گئچیردیگی عملیاتلارین سرحدلریمیزین تهلوکهسیزلیگی، گلهجییمیز باخیمیندان هانسی سویهده اؤنملی اولدوغونو ثبوت ائتدی. هانسی هینه گیررلرسه، گیرسینلر، گیردیکلری هینلرده اونلاری تاپاجاق و اورادا گبردهجهییک.
اردوغان، «ای باتی! هاراداسینیز؟ نیه سسینیز چیخمیر؟ نیه سوسدونوز؟ سیزده بئله بیر شئی اولدوغوندا فریادلارینیز بیتمیردی. ۱۵ جولای حادثهسی اولدو، سسینیز چیخمادی. ایندی بو حادثه اولدو، یئنه سسینیز چیخمیر. سسینیز چیخسا دا، چیخماسا دا، بیز وظیفهمیزی بیلیریک. بو تروریستلره بو اؤلکهده فورصت وئرمهیهجهییک» دئیه دانیشدی.
پرزیدنت اردوغان غارانین پروبلئملی بیر بؤلگه اولدوغونو قید ائدرک، “اللهین ایجازهسیله غارا تروردان تمیزلهندی. بیر مدتدیر اؤنملی ایرلیلهییش اولدو. عملیاتلاریمیزی قارشیدان گلن دؤورده تهدیدلرین هله ده چوخ اولدوغو بؤلگهلره طرف گئنیشلندیرهجییک. بیر داها بنزر سالدیریلارلا قارشیلاشماماق اوچون تهلوکسیزلیگینی تامین ائتدییمیز یئرلرده نه قدر لازیمدیرسا، او قدر قالاجاغیق” دئدی.