ایرانلی دیپلوماتین تورکیهدن قاچماغا چالیشیرکن یاخالانما گؤرونتولری یاییملاندی
شیشلیده ایرانلی مسعود مولوینین اؤلدورولمهسی ایله باغلی توتوقلانان ایستانبول باش کونسوللوغو امکداشی محمد رضا ناصرزادهنین ایستانبول هاوا لیمانیندان قاچماغا چالیشیرکن یاخالانماسینا دایر گؤرونتولر یاییملاندی
گوونلیک کامئراسی گؤرونتولرینده، ۸ فوریهده ایستانبول هاوا لیمانی اولوسلارآراسی اوچوشلار ،گئدن یولچو قاتینا گلن ایران دیپلوماتیک پاسپورت صاحبی محمد رضا ناصرزادهنین پاسپورت کنترل نقطهسینده ایشلم اوچون گؤزلهدیگی گؤرولور.
گؤرونتولرده محمد رضا ناصرزادهنین داها سونرا پلیس طرفیندن آلینماسی و پلیس ماشینینا میندیریلمهسی گؤرونور.
اولایین اؤنجهسی
ایستانبول شیشلیده، ۱۴ نوامبر ۲۰۱۹دا ایرانلی مسعود مولوینین بیر اتومبیلدن ائدیلن آتیش نتیجهسینده اؤلدورولمهسی ایله باغلی جنایت فاعلی اولدوغو ادعا ائدیلهن عبدالواهاب ک.نین ده آرالاریندا اولدوغو ۱۱ نفر گؤزآلتینا آلینمیش، ۷ شبههلی توتوقلانمیش، ۴ شبههلی ایسه عدلی کنترل شرطی ایله سربست بوراخیلمیشدی.
سوروشدورما فایلیندا یئر آلان بیلگیلر دوغرولتوسوندا بیر مدت اؤنجه حاقیندا "قصداً آدام اؤلدورمه" سوچوندان یاخالاما قراری چیخاریلان و ایرانین ایستانبولداکی باش کونسوللوغو چالیشانی اولدوغو اؤیرنیلن محمد رضا ناصرزاده ن.، ایستانبول هاوا لیمانیندان یورددیشینا قاچماغا چالیشیرکن باخالانمیش، ۹ فوریهده توتوقلانمیشدی.