تورکیه و ایرانین خاریجی ایشلر ناظیرلری گؤروشوب
مولود چاووش اوغلو جواد ظریفین گؤروشوندن سونرا بیرگه مطبوعات کونفرانسی کئچیریلیب.
خاریجی ایشلر ناظیری مولود چاووش اوغلو ایرانین خاریجی ایشلر ناظیری جواد ظریف ایله ایستانبول دولماباخچا ساراییندا گؤروش کئچیریب.
تکبتک گؤروشدن سونرا نماینده هئیتلری آراسیندا گؤروش باشلاییب.
چاووش اوغلو گؤروشدن سونرا تشکیل ائدیلن بیرگه مطبوعات کنفرانسیندا "پاندمی سببی ایله گؤروشلریمیزی نئجه کئچیرجگیمیز بارهده دانیشدیق. آستانا فورماتیندا اوچ طرفلی زیروه تهران-دا اولاجاق، حاضیرلیقلارا بو گون باشلادیق" دئییب.
گونئی قافقازدا (آذربایجان و ائرمنیستان آراسیندا) آتشکس اولدوغونو و هر کسین بونون دایمی اولماسینی ایستهدیگینی وورغولایان چاووش اوغلو "یالنیز ایستمک کیفایت دئییل، تحفه وئرمه لییک. “3+3” فورماتی ایله گونئی قافقازدا باریشی داواملی حالا گتیرمک ایستییریک" دئییب.
تورکیه اولاراق خصوصیله ایران- امریکا و آوروپانین اوچلوسو ایله ایمضالانان اتم آنلاشماسینی دستکلهدیکلرینی سؤیلهین چاووش اوغلو جو بایدن رهبرلیگی ایله بو راضیلاشمایا گئری قاییدیلاجاغینا، بئلهلیکله قارداش ایرانا قارشی تحریم لرین لغو اولوناجاغینی اومید ائتدیگینی وورغولاییب.
4 گون اول نیجریه یاخینلیغیندا گینه کؤرفزینده اوزن "موزارت"آدلی گمینین دنیز قولدورلاری طرفیندن قاچیریلماسینا توخونان چاووش اوغلو "دونن خوش بیر خبر آلدیق. گمی هئیتی و کاپیتان شیرکتله علاقه ساخلادیق. 15 قارداشیمیزین هامیسینین ساغلاملیق وضعیتینین یاخشی اولدوغونو اؤیرندیک. پروسه و تفررواتلار بارهده معلومات وئره بیلمرم، اما یاخین زاماندا گؤزل خبرلر یاخشیلاشاجاغیمیزا اومید ائدیرم" ایفادهسینی ایشلدیب.
جواد ظریف ایسه اؤز نؤوبهسینده دئییب کی، جمهور باشقانی رجب طیب اردوغانین ایرانا بیر آن اول گلمهسینی گؤزلییریک. یاخین زاماندا بونانلا باغلی تاریخی دقیقلشدیرجییک.
"ایران و تورکیه-نین قافقازداکی امکداشلیغی بؤلگهدکی بیر چوخ اؤلکهنین خیرینه اولاجاق" دئیه بیلدیرن ظریف دئییب:
"ایران و تورکیه آراسیندا امکداشلیق ساحهسینین احاته دایرهسی چوخ گئنیشدیر. امریکانین داها منطقلی موضع اورتایا قویماسی ایله علاقهلری گئنیشلندیرجییک".